港姐2024｜佳丽庄晓婷狂敷面膜做机成功踢走包包面：好咗好多

候选佳丽5号庄晓婷（Kimmy）今日（26/8）现身将军澳电视城出席《2024香港小姐竞选》宣传造势活动。Kimmy受访时表示：“下个月就举行决赛，咁所以都好努力咁Keep Fit，而上个礼拜都见咗营养师，对方就建议我唔好再减落去。喺饮食方面我系有出力，相比起做运动方面，我反而系冇乜点做，因为做运动对我嚟讲系有啲难，不过目标系想练返啲线条，希望到决赛当晚着泳衣嘅时候会好睇啲。”

另外，Kimmy为让自己上镜更靓，透露近日狂敷面膜做去水肿机赶走包包面：“我而前一个月敷一次面膜，但而家我系每日敷两次面膜，早晚各一次。敷完冻面膜之后，我又会用去水肿机推面，加上而家晚上会食得清淡啲，减少盐分及重口味嘅食物，而家系冇以前咁包包面，情况系好咗好多。”