陈凯琳正式宣布封肚唔再生：有3个小朋友我哋觉Ok

陈凯琳（Grace）今日（23/8）现身九龙湾出席家具品牌活动。提到上星期一家人远赴泰国布吉旅行兼为老公郑嘉颖庆祝55岁生日，Grace接受《香港01》访问时表示：“今次我哋去咗𠮶度玩咗5日4夜，而今次系我哋第一次一家五口一齐去旅行，呢五日四夜亦都系一个好好嘅体验，攞咗今次嘅体验之后，下次再去旅行嘅时候，应该可以再玩耐少少。（有咩惊喜俾老公？）有呀，今次就系所有嘢都为佢安排晒，又唔使出钱，佢净系出个人就得，见佢都玩得好开心。（听你讲话老公恨生女，会唔会生个B女送俾佢？）我都系讲吓咋，而家有3个小朋友我哋觉Ok。（而家宣布封肚？）系，我而家要着啲好紧身嘅裙，证明我冇怀孕嘅，哈哈！”