冯素波80大寿与三公主聚头　古天乐妈妈现身亲生仔送二百包茶叶

今日（7日）是冯素波（波姐）80大寿，一班契仔契女广邀圈中好友，为她筵开十多围寿宴，最难得是七公主的薛家燕、陈宝珠、沈芝华都合体到贺。波姐过往受古天乐帮忙不少，她都有邀请古仔，对方虽无瑕出席，不过其妈妈就有现身！波姐的生日愿望是食得、行得、瞓得，讲到今次摆大寿是否一呼百应，波姐说座位有限请唔晒，四位公主一齐受访，大家都不停跟她讲祝贺语，沈芝华更用上海话祝她愈来愈漂亮，赞她的皮肤绝对不似80岁，波姐就透露扮靓秘诀：“你教我揾鸡蛋白敷面呀嘛！”

家燕姐说波姐是七公主之中的大家姐，大家一齐成长，难得现在各人仍身体健康、聚首一堂，愈来愈精灵，几位两个月前已经夹时间度期替波姐贺寿，她又说：“你睇佢啲广告，不得了！”波姐谦虚谓：“你哋唔拍我至有啫，你哋唔退休就冇我份。”波姐又预告，将在11月2及3日举行两场慈善演唱会，头场唱粤曲，尾场唱时代曲，叫公主们两场都一定要到。

讲到出年便是七公主60周年，问到有什么庆祝活动，大家都指住家燕姐说：“你哋问佢啦！”家燕姐表示：“我本来想请大家去旅行，佢哋个个话唔好⋯⋯”大家异口同声抢答：“好攰呀！”于是家燕姐就决定改为请大家食饭，毕竟相识多年，大家无所不谈，感情常在。

而今日除了是寿宴外，波姐亦宣布与6个契仔1个契女进行上契仪式，她透露：“本来世豪（郑世豪）都系，但系佢话今日唔得闲嚟，咁就算啦，佢要回心转意嘅时候我都照收。”本身是TVB艺员的契仔嘉骏一齐做访问，契仔帮手递咪，波姐非常敏捷从他手中拎走HOY咪牌说：“我揸啦呢个咪！公司出Warning Letter㗎，我收过喇，所以我担心你。”波姐指嘉骏是她的麻将脚，2000年代去广西拍《酒是故乡醇》时已经常常一齐打牌，笑言：“如果唔系揾麻将脚，我做咩收个仔，起码同我揾脚先！”她希望契仔契女事业有成、大红大紫，又谓：“我80岁做唔到乜嘢喇，净系伴住你哋行，你哋就扶住我行，我就跟着你哋行。恭祝身体健康，事业有成，大红大紫嘅话记得做个基金畀我演唱会。”

除了一班契仔女，今日就连波姐的亲生仔David都特地从英国回港与妈妈庆祝，嘉骏说原本想让对方以神秘嘉宾身份登场，谁知事前已穿煲。讲到David送了什么礼物，波姐开心表示：“佢喺英国买咗啲我最钟意嘅香水返嚟畀我，挽住返嚟，惊打烂，好慎重。虽然系两樽香水，但仲有一大盒茶叶，二百几包，佢知道几十年嚟我都钟意饮茶，呢啲先系佢嘅心意。”