VIVA跟新人BABYMONSTER同场乘机偷师　跳唱新歌笑言跳到索气

一连两日的“第五届TMEA腾讯音乐娱乐盛典”日前于澳门举行，演出单立包括SUPER JUNIOR - D&E、NMIXX、NCT WISH等，女团VIVA亦受邀出席，而同日表演单位更有BLACKPINK师妹团超强怪物新人“BABYMONSTER”、韩国天后BoA，绝对是一个国际音乐盛典。

能够再到澳门参与大型音乐节，VIVA依然兴奋，她们更将今个月尾才推出的第二首歌曲带上舞台，让一众乐迷先睹为快，“第一次唱《DTR》呢首新歌，好紧张，同埋冇谂过现场有咁多观众。不过当一企喺台上嘅时候，𠮶种紧张嘅感觉突然之间冇咗，转变成兴奋，自己亦都好投入，同埋想大家一齐enjoy首歌嘅感觉。”

表演期间，现场气氛热烈，不少乐迷都大赞VIVA又睇得又跳得，又问她们的名字，而网上亦有不少网民留言“新歌舞台感十足。”、“啲舞仲跳得好劲！”受到乐迷喜爱及支持，VIVA坦言十分开心，会加倍努力回馈乐迷，“因为始终我哋出咗道只系两个月，都知道大家对我哋仲未系好认识，但见到咁多朋友留言支持，真系好开心。”而第二首歌曲的节奏及舞蹈明显比出道歌快，VIVA笑言跳到索气，“跳到尾嘅时候真系喘晒气，每一次跳呢首歌都系挑战紧自己体能极限，所以喺韩国嘅时候已经不断咁去操练，返到嚟香港之后都唔能够生疏，要积极锻炼好自己嘅体能，应付我哋第二首嘅派台作品。”