梁思浩爆杨思琦扮可怜　澄清无贬义心：唔系几钟意呢行太过伪善

早前梁思浩卷入陈彦行另一半身份被公开的嫌疑人，一波未平，一波又起。在自家YouTube频道《娱乐好好玩》节目中，开名爆前港姐杨思琦大镬，直指她扮可怜博同情。事后杨思琦向梁思浩宣战，反击被指扮可怜博同情：“无事搞事，你是什么人啊？”

梁思浩今晚（22/7）现身电视城出席TVB Plus《直播灵接触》节目直播，就事件接受《香港01》访问时说：“我唔惊佢嬲，我都系讲事实。其实扮娇嗲，又或者扮可怜，唔系negative。喺呢一行好多人出道都系会扮得娇娋啲，而我啲同事又扮得可爱啲，我唔觉得系一个贬词嚟，甚至有啲人佢楚楚可怜亦系佢自己嘅演绎嚟啫，咁样观众钟意咪得啰，而内里佢可能系好刚强，都系一个形象，咁所以我唔觉得系一个贬词。”

被问到女方私下有否主动联络他？思浩笑言：“我谂佢应该冇我电话，不过如果佢问，都应该问人攞到我电话嘅。（怕唔怕因为咁而冇朋友做？）咁梗系唔会。（本身都唔系朋友？）本身都系工作上嘅合作伙伴，日后见到面唔会尴尬，同埋冇嘢。（唔担心周围爆料惹不满？）其实由我17岁入行到而家都好耐，而我嘅性格就系直话直说，同埋我唔系几钟意呢行太过伪善。咁我见到嘅嘢我咪讲啰，我唔系几怕，我份人比较直言。（怕唔怕喺呢行树敌？）我喺呢行好多朋友，如果我唔系咁多朋友，打极电话都要排住上嚟，我呢个节目点解要开第二季，就系要招呼佢哋上嚟。”