70年代玉女歌手陈秋霞借出新书公开向亡母认错：佢已经听唔到
撰文： 吴子生
出版：更新：
70年代玉女歌手陈秋霞今日（23/7）现身湾仔为其新书《妈妈语录》举行释出会。提到相隔7年再出新书，秋霞受访时笑言：“因为七年之痒，唔出唔得，咁啱又系我妈咪一百岁冥寿，亦系我入行五十周年，咁所以今日特别搞呢个活动嚟庆祝我嘅。而呢本新书入面就会透露我由几岁开始接触电影同埋音乐等等，然后点样入行做明星嘅过程。”
陈秋霞在新书中亦大爆为人妻子时与老公相处闹出大笑话：“当时嫁咗人，好多嘢都唔识，试过自己妈咪问我有冇问老公攞家用？我反问返佢乜要攞嘅咩？呢啲笑话我都写咗喺本书度，因为怕自己年纪开始大，怕好多细节唔记得，咁所以今年将我仲记得嘅趣事，开心或唔开心嘅事写成书。”
陈秋霞又指自己想借新书向已故母亲道歉：“虽然佢已经听唔到，但我选择写书公开道歉，同时我喺书入面提到同大女相处当中系有好大嘅困难，我喺佢哋心目系一位‘恐龙妈’，喺咁多年来，我畀咗好大压力佢，有一日我有感而发写咗一首歌畀佢，歌名叫做《我倦了》，系用佢嘅身份嚟闹我自己。包括过去嘅小风波，过去点相处，几乎我系用首歌去道歉，明白到自己过去畀咗好大压力佢，希望将来相处方式会改变。而家大女都为人母亲，变咗好多嘢佢系明白我出发点都系爱佢哋。”