危险人物2.0｜翁静晶爆多间电影公司埋身攞料揾笨：揾我做免费嘢

翁静晶今日（17/7）现身湾仔会展书展为新书《危险人物2.0》系列讲座。翁静晶接受《香港01》访问时透露，自从开设YouTube频道《危险人物2.0》之后，有不少网民向她咨询法律意见，同时亦有多间电影公司主动埋身查问有关香港奇案细节欲拍成电影，令她大为头痛：“自从呢类电影《毒舌大状》、《踏血寻梅》推出以来大红之后，变咗好多人就揾我，睇吓有咩题材。之前系刘师傅嘅时候，我已经经历唔少。我好记得𠮶阵时系好多人揾佢倾剧本，变咗佢日日都会去邵氏公司出钱请啲编剧食饭，饮茶灌水就写咗个剧本出嚟，千辛万苦写完个剧本出嚟，电影公司攞咗出之后，就一手掉埋一边，就话唔啱用。事后个剧本就俾心改头换面就拍咗，咁所以我就觉得知识产权嘅嘢呢，尤其是我哋编剧界，系好惨嘅，好多人被人偷咗条桥。咁所以既然我有咁多桥，咁我谂我会留返俾自己用啰。”

翁静晶续说：“其实咁讲啦，呢啲系商业性质嘅嘢，例如你揾我做一啲嘢系免费嘅，而你揾我做免费𠮶样嘢，你系攞嚟揾钱嘅，你系商业性质嘅，点解你要嚟揾我笨呢？如果你唔系商业性质，而系慈善机构机，揾我做啲嘢咁又唔同，大家系为咗个公益去做。咁所以我就觉得如果你拍商业电影嘅，你系需要问人攞桥嘅，咁你嘅桥就系成套戏嘅灵魂，咁我点解免费俾个灵魂你呢？同埋我亦唔觉得而家有人仲会重金礼聘任何人，我好相信而家啲人最想就系免费。”