港姐2024｜佳丽程姜月认似蔡洁有着数：有热度多咗人认识我

无线今日（15/7）假将军澳举行记者招待会，并安排《2024香港小姐竞选》15位候选佳丽会晤传媒。有翻版蔡洁之称佳丽程姜月（Dolores)接受《香港01》访问时，直言不担心选美期间被爆黑材料：“因为自己系冇黑材料俾人写，同埋而家我系单身，单身原因就唔系因为选美而分手𠮶种。（样貌似蔡洁同李佳芯，会唔会有压力？）压力系有，但又唔想话唔想似佢哋嘅，其实呢个都系好事，但都有负面嘅影响，好处就系有热度令到更加多人认识我，唔好嘅地方系会有压力惊自己会有咩地方做得唔够好。（有冇睇佢哋啲剧？）好少，因为而家返工冇时间，好多时工作至凌晨一点先至返屋企，变咗冇时间睇剧。”