港姐2024｜佳丽李曼思唔怕被爆黑材料：我冇夜蒲

候选佳丽李曼思（Adria）今日（16/7）现身将军澳电视城出席《2024香港小姐竞选》外景拜神。Adria接受《香港01》访问时透露会出发到内蒙古进行港姐外景拍摄：“今次系好期待，因为我系未去过，不过我知𠮶边天气系好热同埋好干，变咗我都会带定防晒产品，同埋都会带定好多补湿面膜过去。（惊唔惊被爆黑材料？）唔惊，有咩黑材料。（有冇夜蒲？）我冇夜蒲。之前会约好耐冇见嘅中学同学，会玩游戏嘅时候都会饮返一杯。不过自己嚟参选我系冇谂过要面对呢啲问题，当要面对呢啲问题嘅时候，又真系会压力好大，自己系冇预备到。为咗唔影响选美心情，我系冇睇网民对我嘅评价。”