【溏心风暴3】李司棋要与时并进讲潮语　夏雨未够喉：想拍第4辑

10年前播出的TVB剧集《溏心风暴》一定系经典中嘅经典，话咁快已经嚟到《溏心风暴3》，晚上一众演员包括夏雨、李司棋、米雪、关菊英、黄宗泽、王浩信、岑丽香及陈敏之等等出席煞科宴。提到剧中金句都经常被网友疯狂loop，到宜家都仲啱用。司棋姐透露今次讲得最多唔系金句而系潮语，“一定系，除非唔系！”

司棋姐表示剧集播出嘅时候可以吸引多啲后生仔睇，“我哋今次好与时并进，讲好多潮语例如一定系，除非唔系！我刚见到剧本嘅时候都以为佢写错，完全唔知咩意思。”司棋姐其后笑言，“希望后生仔一睇到嘅反应系套剧唔老土，而系好潮！”至于夏雨就话今次拍得好开心，“同成班老友一齐拍完全唔觉拍完，有机会都想拍第4辑。”

提到昨日欧阳佩珊因病离世，曾与对方合作剧集《楚留香》的夏雨都感叹人生无常，“好耐无见佢，但知道佢退出娱乐圈后学气功。”夏雨指有时间一定会出席对方的丧礼。