钟树根做网红民望高过以前？　留言唔做政客：放弃咗成年啦！

钟树根（Tree根）冇做政客之后转职“调理农务”，不时在中国大陆东奔西走出席农业活动，视察下农田、参观下寺庙咁，其行踪基本上都会喺Faecbook同大家分享，同网民嘅互动率仲好高添。先唔好问点解喺大陆视察都上到Facebook，根据小编嘅非正式统计，出名“讲多错多”的Tree根在Facebook上的错字居然比吴业坤少，可见佢几用心搞好个page。

日前Tree根为咗拎银紫荆星章，特登赶返香港，唔知系咪做农夫做得耐，搞到皮肤差晒，Tree根庆祝完回归之后冇即刻走，反而去咗打水光枪，连全面打咗1800针都打晒出嚟，成个KOL咁款。

有网民同Tree根妙问妙答，笑问：“Tree gun不如都系放弃政治 转行做kol....”Tree根：“放弃咗成年啦”，又有网民取笑他：“用公数整容”，Tree根冇嬲不突止仲疑似默认咁话：“你唔恨得咁多了！”之后佢又暗示返依笔“公数”系老婆批嘅家用。有啲网民就开玩笑话：“真系后生廿年，宜（依）家似60。”不过呢，其实Tree根今年刚过了六十大寿……

老老豆豆，Tree根依家咁样过半退休生活，得闲同网民吹下水，间唔时自抽一下都几好，做政客捞唔掂，真系可以考虑下做KOL㖞。