【港姐2017】12候选港姐集体去扮靓　张宝欣坐足4粒钟有咩分别？

摄影：温菁莉

港姐经过两轮面试，终于有12位佳丽入围，今日一班佳丽就先嚟个大变身，到又一城set返靓发型，以最佳造型备战。下午一时，陆续有佳丽成功变身，做访问嘅时候大部份都一句起两句止。

所谓的“新发型”，似乎剪前剪后都没有太大分别，有最大变化一定是原本是留长发嘅Suki及Nicole，她们就以爽朗短发示人并齐齐表示，“出嚟效果几好，好满意。”率先整完嘅是Kelly，但所谓的“新发型”相比起首两轮面试都没有太大分别，连佢自己都话无咩点整过，但相信长发造型最衬佢！而同样由长变短嘅sandy，问到会唔会唔舍得？她透露，“以前都试过剪短发，所以都ok好满意。”下午4时，最后压轴出场的就是上届夺得友谊小姐的张宝儿妹妹张宝欣(Boanne)，过去两次面试都系梳起头发嘅佢，今次整头发就花了大半日时间，Boanne一见到传媒就讲“唔好意思，要你地等咁耐，”其后就表示因为头发上唔到色，“我之前染深咗所以要染咗几次先整咁耐，因为发型师好高要求。”问到点解可以优待整两次？她就未有回应。

现场最搞笑一定系佳丽angela出咗salon门口先被传媒发现，当然是及时拦截，至于被问到点样备战？电了头发嘅Angela就指，“食少啲嘢。”其后再问对自己最满意边部份，佢就无厘头表示，“我整完头发就走啦！”