方力申同陈晓华旧绯闻再被翻炒感不满：好惊女友屋企人误会
撰文： 吴子生
出版：更新：
方力申（小方）和黄翠如今日（21/5）现身将军澳电视城出席无线新节目《拍档厨房》宣传活动。提到两年前同陈晓华的绯闻再被传媒翻炒，小方接受《香港01》访问无奈表示：“其实以前讲我就冇所谓，但今次就唔同，因为我而家有拍拖，而且呢单嘢仲做埋封面，我女友虽然系圈外，就算佢明都好，但佢屋企未必会明，变咗好多嘢都要解释 ，好惊佢屋企人误会。两年前写话我追陈晓华，都只不过系攞我同嘅时候合照，从来都冇影到过我同佢嘅去街相。今次仲做埋封面，真系好无奈。”
小方续说：“啲朋友send咗个封面畀我睇，我仲以为系旧嘢，点知原来系最新嘅封面，于是我就即刻send畀我女朋友睇报定案先啦，佢都好好，好信我。唔知系咪呢年几，我同女友太过低调，从来都冇被人影到两个人一齐嘅相，唔知系咪呢个原因，令有啲媒体怀疑我哋两个有问题，变咗佢哋就写吓我嘅新闻。”翠如接著安慰说：“其实会唔会帮你呢个节目宣传紧咋，唔使咁担心啦，佢屋企人唔会误会嘅。”