世界无烟日2024｜詹天文抗拒烟味 拍亲热戏遇烟民：可唔可以借位
撰文： 吴子生
出版：更新：
詹天文（Windy）今日（18/5）现身将军澳出席《世界无烟日2024暨无烟跑服日》启动礼。Windy接受《香港01》访问时表示：“自己本身对烟味系好抗拒，因为闻到嘅时候系好想咳，同埋系会好想即刻离开，咁所以唔系咁钟意。（身边有冇朋友吸烟？）身边朋友就冇食烟嘅，但好多时喺街度都会遇到有人吸烟，变咗好多时我都会选择离开。不过身边都有年长嘅朋友佢哋都有吸烟嘅习惯，我都有劝佢哋戒烟，但佢哋有啲人会听，但亦有啲人系唔会听咁变咗就要靠佢哋自己取舍。”
被问到男朋友吸烟会如何处理？Windy笑言：“如果一齐之后，发现对方系有吸烟嘅习惯，我先会劝佢先，如果最终佢都冇去改变，我谂呢个人唔系咁适合我。因为难沟通系会好难相处。（拍剧亲热戏，遇对手系烟民点处理？）我谂我会同导演讲，可唔可以拍借位，去完成𠮶一场戏。”