专访｜王双骏早年陪负评麦浚龙用作品说话 更曾做过何家劲经理人
访问上集，王双骏（Carl叔叔）分享了他与谢霆锋合作的轶事，今集《一首歌的故事》让我们了解他更多。Band仔出身的Carl叔叔21岁入行做监制，一生基本上冇转过工，但原来做监制前他曾担任过经理人。你或许以为，他大概是“凑”一些歌手吧？但他却说：“我负责嘅Artiste系何家劲。”令人震惊！
不过亦是这个经理人经验，令Carl叔叔更懂得照顾艺人的需要。讲到初出道的麦浚龙（Juno）形象差，被批“二世祖”等等，Carl叔叔坦言，当年帮他做歌有想过以“洗底”为目标，早在04年做歌时，Carl叔叔已陪Juno用作品说话！
发型：Stone Cheng（@salonstone）
化妆：Kris Wong（@kriswong.520）
形象：Stylist : Yee Li（@eeeeeyli）
服装：Maison Margiela from Lane Crawford
场地：电笠
从信差到唱片监制 最感激恩师杜自持
Carl叔叔读男拔被踢出校，却发现自己对音乐有浓厚兴趣，流连唱片舖又夹Band，踏足社会第一份工，就去了艺能制作有限公司做信差，亦开启了幸运之门。他说：“间公司又好好㖞，知道我玩音乐，话我哋开唱片部，你有冇兴趣过嚟，中间转转折折，我唔系第一下就应承，我第二下先应承，就开始咗做唱片嘅生涯。”他多次重复自己真的很幸运，认识了很多大师，伦永亮、顾嘉𪸩等等，最大恩师必定是杜自持，“我一入行就跟佢做刘德华唱片，喺佢身上学咗好多嘢，亦因为佢先识到好多人。我唔系科班出身，好多嘢都系入咗行先学，无论系人哋主动教你定系你喺侧边望，一路都学到好多嘢。我自己又好钟意，所以做吓做吓，碌吓碌下就到而家。”
任何家劲经理人 为日后做监制照顾艺人打定底
在艺能那段时间，Carl叔叔除了信差，还做过经理人，他说出来也有点不可置信的样子，“经理人公司，我竟然做经理人公司！（𠮶时帮边个做经理人？）我负责嘅Artiste系何家劲，其中一个比较大家认识嘅人，问你怕未！展昭㖞！”听起来实在大缆都扯唔埋，不过那一年经验虽然与做歌无关，他却认为完全没有白过，除了每日都有艺人上公司请食下午茶之外，他更比一般人更认识到何谓艺人，“对于我之后做监制好有帮助，你要合作𠮶啲系艺人嚟㗎嘛，你知道佢哋面对紧咩压力、生活系点样，有啲咩要照顾佢哋同就佢哋。”
帮麦浚龙度身订造《怪物小王子》 摆脱二世祖负评
其中一位被他照顾到的，还有麦浚龙（Juno），Carl叔叔形容：“佢好细个我已经识佢，我识佢已经16岁。呢个就有少少凑仔Feel……又唔系仔，似系一个细佬咁。”Juno近年的形象如艺术家般，执导演筒拍《僵尸》大获好评，一只又一只概念大碟，艺术成分高又有想法，但有留意千禧年代乐坛的乐迷都知道，初出道的Juno形象很负面，样貌被抨击，更有指他买Fans、二世祖等。大约出道1、2年左右，唱片公司找Carl叔叔帮Juno做歌，还战战兢兢问他会否介意，Carl叔叔却大方地回应：“我做咩要介意？”
在他的角度看来，很多评价对Juno都是不公平的，他的出身不是由他选择，他一出世就拥有这些东西，不过当时Carl叔叔就建议说：“当年已经用作品说话㗎喇，我话不如咁啦，你收埋自己先，完全唔好喺大家面前出现啦，我哋用一段时间做好啲音乐，做好我哋嘅作品，你仲后生，OK嘅！”那时在曲、词全部都未有的时候，歌名是最早敲定的，Carl叔叔已决心要帮Juno做首《怪物小王子》，“当时坊间对佢嘅评价系又唔靓仔、又二世祖，所以系《怪物小王子》。”虽然歌曲最终回响不大，但至少让双方建立了默契、信任，亦让Carl叔叔更认识到，Juno绝不是坊间所讲的二世祖，“佢唔系啲人谂，以为佢一定对好多嘢好不屑，唔系㗎，佢好‘地’（贴地）。”
《雌雄同体》、《成魔之路》用作品说话 洗底成功
而去到较多人认识的作品，大概是05年《Otherside》大碟内的《雌雄同体》，更夺得了当年的“叱叱”歌曲奖。冯颖琪创作这首歌时，原本属意女歌手演唱，不过无人问津，自言硬颈的Carl叔叔却决心要把歌留起，然后他跟Juno说：“我话不如你试吓唱呢首歌，但系你要唱呢个Key㖞，女仔Key㖞，佢个人就系咁，佢好顺利话‘好啊’，佢唔会问。我话我谂到一个做法，总之会令到你点解唱呢个Key系make sense嘅！”配上了周耀辉的词，Juno同时以高八度、低八度去演绎出女声和男声，带出“雌雄同体”的主题，令歌曲成绩甚好，往后这个组合也愈来愈大胆去试不同的玩法。
比如打后的《Chapel of Dawn》、《The Album》，每张都有不同的个性和理念，Juno的创作之路逐渐被打开，Carl叔叔认为是因为他放开了，“其实𠮶个一路都系佢，佢从来都好多Idea，不过可能以前冇咁大胆去讲出嚟，以前冇信心嘅时候就收埋收埋，到熟咗开始讲多啲。”近年Juno确实身体力行“用作品说话”，当问到最初Carl叔叔是否以“帮他洗底”为己任，他坦承：“最开头我系咁谂嘅，但系做做吓我觉得唔使喇，唔使专登喇。”他指初期的Juno只是十几岁的小朋友、任人摆布，有人叫他怎样怎样做，他亦不会拒绝，到后来开始成熟，有了信心才够胆表达自己，“将自己攞返出嚟，成件事就啱㗎喇，做返自己就OK㗎喇，你慢慢做落去就会成形㗎喇。所以之后我哋已经唔使谂点样洗底，冇，洗咗喇，都只系谂点样发扬光大。”
否认视音乐会为作品展：系叙旧嘅场合
而3月9日举行的《Hats On》音乐会，Juno都是演出单位之一，另外还有谢霆锋、柳应廷（Jer）、李骏杰（Jeremy）、吴林峰、& The Duo Band，不过Carl叔叔纠正说这并不是作品展，反而视之为一个叙旧场合，他在唱片业已经32年，所合作的歌手横跨几个世代，而他最珍惜的，正正就是与各人的关系，“好多都唔系斋工作上嘅关系，唔系我做首歌或者做只碟畀你，跟住就拜拜，好多都系慢慢培养咗一个朋友甚至乎更加Close嘅关系，系伙伴嘅关系。”