一首歌的故事｜谢霆锋《玉蝴蝶》为王菲而作？王双骏亲揭背后真相
王双骏（Carl叔叔）入行已32年，是行内首屈一指的编曲人及歌曲监制。过两日他便会开《Hats On》音乐会，结集不同歌手演绎他的作品。一见到这次的演出单位，很多人的第一个反应都是“哗！谢霆锋呀！”霆锋久未开骚，要听他唱现场绝对机会难得。除了他之外，其余表演歌手也绝对是Carl叔叔本人精挑细选，讲到与各人合作的点滴，他说讲几日都讲不完，所以今次《一首歌的故事》，就先由谢霆锋开始吧！
发型：Stone Cheng（@salonstone）
化妆：Kris Wong（@kriswong.520）
形象：Stylist : Yee Li（@eeeeeyli）
服装：Maison Margiela from Lane Crawford
场地：电笠
《玉蝴蝶》因一棵花诞生 即兴酒店录Hidden Track
谢霆锋当年出道一炮而红，早期多首经典作品《活著VIVA》、《玉蝴蝶》、《潜龙勿用》、《启示录》都是Carl叔叔出品，那时候的谢霆锋，两字形容——反叛。而这与Carl叔叔却是一拍即合，“佢系一个都几唔理个世界发生咩事嘅人，佢有佢自己一套，我哋好夹嘅，所以𠮶时我哋都系有好多好癫嘅Idea，谂到就做啰。”一句“我哋不如去第二度录音啰？”两人就带著团队出走，去日本、北京、新加坡等地录歌，原来《玉蝴蝶》大碟都是这样诞生。
《玉蝴蝶》大碟最后有一首Hidden Track，是专诚往澳大利亚录制的，但场地竟不是录音室，而是霆锋下榻的酒店房，“啱啱我哋𠮶时做Tour去到澳大利亚站，做完Show我话‘不如去你房度录首歌？’佢话好啊，咁就成队Band上咗佢间房度，攞啲最简单嘅乐器，甚至乎有啲Band Members只系用啲杯敲台面，好即兴就录咗一个《玉蝴蝶》嘅Hidden Track。”Carl叔叔与霆锋的友谊就是这样建立，他说二人一个肯癫、一个肯丧，就这样撞出许多疯狂的作品。
当年有人说《玉蝴蝶》是霆锋送给王菲的作品，说“王”字跟“玉”字相似、“菲”字看上去又似蝴蝶，听来浪漫至极。Carl叔叔就透露这首歌的创作意念，其实只是有日霆锋突然向他说：“喂，我买咗棵花返嚟，好靓㗎，个名好好，叫玉蝴蝶。”Carl叔叔听完就去了霆锋屋企赏花，他笑说：“我上到去，系㖞，好靓，咁就做首歌出嚟，其实都几任性㗎，为咗棵花写首歌，但系又托赖，首歌出到嚟又几好㖞。”
谢霆锋反叛因有童心 名人之后连瞓醒个样都好有型
既然两人都是比较离经叛道，当与霆锋意见不合，谁会先妥协呢？Carl叔叔就说负负得正，很少有不咬弦情况出现，又大爆其实当时霆锋才二十出头，有童真又贪玩，“你所讲嘅反叛，都系出自于佢有一个童心，佢觉得点解唔得呀？系小朋友先会问呢啲。我觉得做一个艺人或者一个创作人，系要不断问呢样嘢，点解唔得呀？点解要跟住个世界行？我谂我同佢合作𠮶个时期，呢样嘢系不知不觉都影响咗我，我都会谂‘点解唔得呀？’”
大家觉得霆锋好Chok，Carl叔叔就认为那是一种骨子里渗出的感觉，根本霆锋一瞓醒觉已经好有型，“名人之后嘛，你谂吓佢爸爸妈妈，佢有咁嘅血统，佢By default就已经系咁。”他举例说谢霆锋孩子气的反差一面，相信应该冇乜人见过，那时团队们去东京做完演唱会，庆功时突然有人大叫：“落雪呀！”然后成班人冲出去睇雪，Carl叔叔说：“我哋一班大乡里冲咗出去，企咗喺马路中心影相，佢当然系其中一个啦，仲跳晒呀盛。我谂一般人冇乜几可见到谢霆锋童真𠮶一面，佢好有型㗎嘛！。”
《活著VIVA》歌颂青春 纪录20岁谢霆锋与29岁王双骏
霆锋另一首经典作当然就是《活著VIVA》，虽然很多人说不知道“年轻得碰著谁亦能像威化般干脆”、“就似汗腺横流过热带”等到底意指什么，Carl叔解释：“其实冇㗎，首歌好简单，歌颂紧青春啰。”他觉得青春最重要的环节就是要曳，切忌绑手绑脚！当青春没做过傻事、不正常事，其实等于枉过，就算他日不堪回首那些年的蠢事，至少都青春过，所以2000年推出的这首歌，亦象征著当其时20岁的谢霆锋，以及29岁的王双骏，“系，觉得激动便流泪啰，冇嘢㗎，你想喊咪喊啰、想笑咪笑啰，想做，冇影响到人嘅咪做啰。”
Jason Kui因《活著VIVA》学结他 见霆锋结他真身兴奋尖叫
Carl叔叔说，当年做《活著VIVA》时没什么野心，纯粹想演唱会玩得开心、兴奋，后来却发现原来有人因为这首歌而去学结他，让他感动不已，而香港不少当红歌手的御用结他手，有“Guitar Hero”之称的Jason Kui，其结他启蒙便是《活著VIVA》！Carl叔叔说：“有时你唔系专登想咁，但系做个作品出嚟，原来系会影响到其他人，好有趣。”于是Carl叔叔索性做中间人，带Jason Kui与霆锋相认。
他说16年谢霆锋在内地录《蜜蜂少女队》，需要有Live band，问他可否帮手，Carl叔叔二话不说便答应了，更第一时间打畀Jason Kui，“我同佢讲，机会嚟喇！佢好兴奋，话‘正呀！’我好记得我哋喺上海度做，一上到去嘅时候， Jason Kui就好似Fans Mode著咗，话终于都合作。同埋佢见到霆锋啲结他，第一时间就‘哗！我终于见到真身喇！’𠮶个Moment都几有趣几感动，明明当年识嘅谢霆锋，我哋嗌佢做𡃁仔，但佢不知不觉做咗一个Role Model畀其他人。”