音乐监制王双骏31年首办作品展 超强阵容谢霆锋麦浚龙激罕献声
殿堂级音乐制作人王双骏（Carl叔叔）即将开个人作品展，并请来超强阵容演出单位！【电笠】示范单位：《王双骏 HATS ON 音乐会》 While the Music Lasts ”将于3月9日在香港会议展览中心Hall 5BC隆重举行，Carl叔叔多年来为多位歌手做编曲、监制工作，今次就邀得多位合作无间的歌手于会上献声，其中包括谢霆锋、麦浚龙、柳应廷、李骏杰、吴林峰及& The Duo Band等组成最强阵容，以好歌集结不同年代的演出单位，传承着五线谱上的音阶纪录。
王双骏于1992年正式开始唱片监制的工作，期间合作过的歌手不计其数，多年来其制作曲式由Band Sound、流行音乐、电子音乐到管弦乐等多种音乐类型，各有韵味，却同时构成象征着品味与玩味的“Carl式音乐”。是次音乐会以“Hats On”为题，全因Carl叔叔多年的“招牌”戴帽造型：“我好钟意帽，储咗差唔多廿年， 而当中有好多顶帽都系有好多唔同嘅故事同经历。我觉得唔同剪裁、唔同设计、唔同物料嘅帽，各有形态，每顶帽都有佢自己嘅个性，同今回我邀请嘅歌手、乐手一样，每位都有自己嘅特质同长处，作为监制嘅我，同样会将每个人最好嘅独特一面呈现出嚟。”
音乐会另有副题“While the Music Lasts”，意味每首歌曲的背后都经由多个单位合力创作，音乐即使存在于不同年代、以不同曲风演绎，由不同年代的歌手献唱，只要得到乐迷的支持，香港乐坛自会传承下去，同时亦借着音乐会向每位乐手、创作人致敬。只要仍然有音乐，我们便能继续跳舞。Carl叔叔曾于《电笠》专访中表示：“我作为一个监制嘅理念，类似一个建筑师，为每位歌手度身订造出唔同嘅音乐计划。而大家所听到嘅每首歌，几分钟就几分钟，但系好多朋友都唔知道，原来一首歌背后，有咁多人喺度努力。而家受众听歌嘅层次开始唔同，可以畀佢哋知道更多，往后当我哋再去制作𠮶阵，其实就好似扩阔佢哋嘅眼界咁，呢几年我都好乐意去推动呢样嘢。”
大会昨日（1月3日）释出的宣传海报中，Carl叔叔戴上五顶帽子，每顶都代表着将于音乐会上演出的歌手，其中包括：2018年与& The Duo Band拍摄《L.O.V.E.》唱片封套时戴的帽、2019年凭麦浚龙与谢安琪的联合专辑《the album and the rest of it…》夺得“叱咤乐坛至尊唱片大奖”时戴的帽，以及去年分别参与柳应廷及李骏杰个人演唱会时戴的帽等等，各有意义。每顶帽子也代表着一个角色、一个责任。
对于是次演出阵容，Carl叔叔指全是多年来合作无间的歌手，并称：“我识霆锋时佢得十九岁（生日正日咁啱做“狂热份子音乐会”），系个好‘刺激’嘅人，完全唔理世俗眼光，喺我哋嘅创作入面，听众会感受到好多热血嘅火花，睇住谢霆锋由年少轻狂，慢慢发展出一种稳重，成为一个好全面嘅艺人。而我识Juno𠮶阵佢得十几岁，咁多年嚟我哋倾偈嘅方式好特别，十句入面有八句都系‘废话’，但系呢啲默契会成为创作概念，我哋‘斗’天马行空、‘斗’不著边际，所以每首歌都会有唔同嘅惊喜。& The Duo Band嘅合作，唔止改变咗我嘅音乐生涯，甚至影响埋我成个人生，我学识咗，好多时唔需要谂太多，玩咗先，令自己开心就足够，我同& The Duo Band有好多回忆，启发我好深。”
至于新生代歌手，Carl叔叔说：“最初收到邀请帮Jeremy（李骏杰）造歌𠮶阵系特别兴奋嘅，好欣慰对方终于有呢个机会，因为香港乐坛好耐冇出现过呢种‘质地’嘅艺人，佢好知道自己想要咩，对监制嚟讲系一件好幸福嘅事，Jeremy系其中一个我比较偏心嘅合作单位。而Jer（柳应廷）就好似航行大海嘅水手，只会向前，永远见唔到佢向后行，佢唔会随风而摆，好知道自己希望呈现嘅音乐起系咩样，同佢加埋小克创作𠮶几个系列，系我近年玩得最复杂但又最起劲嘅音乐企划。”
“至于吴林峰表面好好笑容冇乜杀伤力咁，好多人可能都会忽略咗佢深情同感性𠮶面；其实每次佢嚟录音前都做咗好多功课，所以可以好快进入状态，我特别欣赏佢vocal嘅感情传递，非常之细致，好希望大家可以多加留意；佢对音乐、创作嘅热血，我系完全感受到！呢个人仲‘有排玩’，必定可以去到更高嘅成就。”
【电笠】示范单位：《王双骏 HATS ON 音乐会》 While the Music Lasts
日期：2024年3月9日（星期六）
时间：晚上7时30分
地点：香港会议展览中心 Hall 5BC
演出单位：谢霆锋、麦浚龙、柳应廷、李骏杰、吴林峰及 & The Duo Band
协办单位：Freakland Limited
冠名赞助：FWD 富卫保险
联合赞助：MOKO新世纪广场、星展银行