ChillClub颁奖礼｜传无线变阵对撼　AK无惧竞争:想开心可以睇我哋

MIRROR 12子近日频频合体为演唱会造势，周三晚（14日）参与ViuTV首个乐坛颁奖礼《Chill Club推介榜年度推介 20/21》彩排，问起会否有主场之利，队长Lokman（杨乐文）指：“有信心一定会表演得好好！今次系人人都有得投票，但啲网民成日都话我哋自己人打自己人，一定有分猪肉，但你够胆投票的话，（结果）就冇得分猪肉。”不过说起人气之争，作为偶像的MIRROR丝毫不输蚀，甚至赢在起跑线，昨日一众镜粉为扭蛋更不惜排足5小时，MIRROR成员也替他们感到辛苦；“大表哥”Stanley（邱士缙）谦虚表示：“幸运地有班粉丝好肯出嚟支持我哋，但系乐坛仍然有好多其他乐迷，我哋未必好有优势。”

谈起扭蛋中的即影即有照片价格甚至被炒高十倍至$500元，Lokman就希望大家高擡贵手：“唔系自己喜欢嘅嘢，就转让畀啲喜欢嘅人，呢啲快钱好难揾得耐！”副队长Anson Kong（江𤒹生、AK）亦希望饭圈有爱：“抽到嘅卡未必系自己偶像，同人交换亦都建立咗友谊，反而系同其他镜粉打好关系嘅一道门，咁就最开心。”

12子预告有一半人除衫

MIRROR将于下月在Star Hall举行一连六场演唱会，12子异口同声表示准备得如火如荼，他们亦率先透露个中精彩演出，AK说：“有6个人会除衫，至于系边6个人，都系得1/2机会大家估下。”Lokman又爆队中两大主唱Ian（陈卓贤）及Jer（柳应廷）会有跳舞演出，Ian淡定表示：“如果系两三年前要跳舞（作卖点）就会吓到我哋两个，但而家已经唔系特别大嘅卖点，都已经驾轻就熟！”Anson Lo（卢瀚霆）大爆Jer以“舞王柳”自居，Jer亦淡定接梗：“AL平时教我唱歌，我教返佢跳舞。”

回应TVB周日转阵　AK：大家各有各做！

ViuTV开台短短五年愈做愈有声色，令无线也严阵以待，TVB与ViuTV之间的电视大战近来频频发生、亦日渐精彩，先有《冲上云霄大选》硬撼《全民造星III总决赛》，后有改版《劲歌金曲》对战《Chill Club》，而近日有传无线皇牌综艺节目《开心大综艺》将加长至两小时，硬撼周日（18日）举行的《Chill Club推介榜年度推介》，对于被视为劲敌，AK就回应道：“冇嘅，大家都系各自各做节目，我哋颁奖礼嘅日子一早就定咗，加上两个节目嘅性质好唔同一个系音乐颁奖礼、一个系综艺节目，睇下观众想睇咩；如果想睇音乐节目就睇我哋呢边，想开心笑下其实都可以睇我哋呢边，睇我哋攞奖一样开心！多谢大家支持，我哋系ViuTV嘅MIRROR！”AK一番发言获一班好兄弟一致欢呼。