梁祖尧揭MIRROR二子最难“调教”：姜涛本身已经好红！

人气炙手可热的MIRROR 12子，周一（12日）拍毕《调教你MIRROR》，梁祖尧随即上载合照指这是一趟充满爱的旅程：“加油，兄弟们！我会和你们一直同行！好开心认识你地，多谢你哋嘅信任和爱。”而经过这些天的日以继夜的相处，12子亦变得更团结。在《ViuTV5周年：继续向前》当天，12子拍了一半暂时出Camp，MIRROR的经理人花姐（黄慧君）亦感觉到几天之间成员的不同指：“佢哋互相照顾多咗，以前做访问大家会觉得唔系自己讲嘢就唔关事，佢哋可能一齐生活完，更加了解对方，就死都要黐住，佢哋长大唔再黐我都几呷醋。”

作为“调教师”的梁祖尧，问起12子中谁最难调教，他就说：“一开始我觉得最难嘅会系Ian（陈卓贤），始终佢比较Cool同抽离。”不过Ian的开心见诚令他喜出望外：“Ian真系肯同我哋倾偈，我想像唔到佢会流出真实嘅眼泪，我冇谂过佢会喊，或者呢种男仔会喺大家面前喊。”花姐同样对Ian落下男儿泪感到惊讶：“我收到呢张相嘅时候，完全估唔到系Ian，我好开心佢可以交真心出嚟！”

点击图辑睇MIRROR当日型格相：

梁祖尧预期的另一位最难调教的成员是人气王姜涛：“因为姜涛本身已经好红，又好有思想，冇乜需要调教佢，我亦都唔知佢会有几信任我，平时喺化妆间撞到佢都好客气‘祖尧老师您好’，我心谂老咩师我都冇教过你。”作为与姜涛相处最密的经理人花姐亦直指姜涛不易与人交心：“好似有道门咁。”不过梁祖尧笑指破冰的过程比他想象容易和快捷：“原来我只要肯同姜涛猜15、20就OK，但佢又唔系饮酒，纯粹系玩输咗俾佢弹额头，我冇见过呢个咁开心嘅佢！”