MIRROR最低调成员Frankie系隐世高人？　“平时我费事插嘴啫”

男子组合MIRROR昨日（7/4）在九龙湾出席《ViuTV 5周年：继续向前》台庆活动，十二子更齐集舞台跳唱新歌《WARRIOR》，非常震撼。Anson Lo（卢瀚霆）接受《香港01》访问时坦言紧张，前一晚彩排更有不少甩漏，好在最后顺利完成：“好想成件事好好睇睇，因为今次系演唱会前最后一次齐人表演。”Frankie（陈瑞辉）则说大赞队友有默契：“拍《调教你MIRROR》入Camp生活咗四日，而家连个意境都高咗。”提到Frankie平时拍节目、做访问都较少发表意见，问他日后会否讲更多嘢，他说：“我会讲多啲嘢！其实我平时私底下都成日自己讲嘢，自己同佢哋讲嘢，访问一个个轮住讲，我费事插嘴啫。”

Tiger（邱傲然）亦有助攻力Sell队友Frankie：“喺呢个Camp里面，我哋发现瑞辉系一个好有大智慧、大智若愚嘅人，以为佢烚下烚下，但系一讲嘢就令人学到嘢，金句好精准，所以唔好逼佢讲嘢。”到底Frankie是否想好像其他兄弟可以挑战拍剧、出Solo歌等各样表演？他坦言：“其实之前《囝囝女女730》𠮶边，我都挑战咗做MC，因为有兄弟傍住，所以系Good嘅，亦都训练咗好多默契同技巧，嚟紧仍然系好想拍下剧，如果系出Solo，我暂时系想做好MIRROR先，当有机会多出嚟或者多余资源，（众队友：系再多机会呀）我嘅睇法系MIRROR系第一位，所以多余嘅资源，系讲紧谷到MIRROR之余有少少嘢多出嚟，就可以畀我，多谢、多谢！”

点击下图观看Frankie靓仔IG相：