【新城劲爆2019】新人撞正实体颁奖礼取消　陈凯咏：明白现时气氛

《新城劲爆颁奖礼2019》记者会昨日于湾仔会展举行，一众歌手以及新人均有现身为自己拉票。今年新城实体颁奖礼因社会气氛尚未明朗，并顾及参与者场内场外安全的因素而取消，改为在新城电台直播室举行Facebook Live颁发部份奖项。
摄影：陈顺祯

环球今年新人之一陈凯咏(Jace)，一身抢眼造型示人出席记者会，被问到今年以新人姿态出道，却遇上各大实体形式颁奖礼取消会否感可惜？她表示：“可惜系有嘅，同埋始终新人对颁奖礼有个幻想，觉得踏上呢个台系好神奇嘅事，加上新人会容易啲。唯有push自己再努力啲，再做好啲就可以快啲再上呢个台。”她亦表示，谅解有颁奖礼因现时社会气氛而取消：“我明白呢段时间嘅气氛，实质运作等事情都有受影响。而且咁大嘅事件系关乎成个社会，唔只系我一个人嘅事，咁就唔需要太介意我一个人嘅感受。”

Jace造型非常抢眼！(按图放大)(陈顺祯摄)

除此以外，被问到这段时间的宣传计划会否亦受影响？她表示：“一定有影响嘅，自己都会考虑个气氛，有时都未必想系咁叫大家听我嘅新歌，因为个焦点都唔系呢度。当然要做嘅嘢就一定要做，但系即使有影响其实都冇乜所谓。”被问到对于今年颁奖礼的成绩有没有信心？她笑言：“信心要有嘅，但老实说就冇嘅，哈哈！但无论几冇都好，都要同自己讲‘有嘅有嘅’，更何况依家实体嘅压力都冇咗，反而已经谂紧下年嘅计划。”

Jace早前推出新歌《讲》，曲风有别于以往两首“想字头”佻皮的作品，问到为何会有这个转变？她表示：“有时又唔使keep住好欢乐嘅，当唔开心𠮶阵刻意去听都唔系一个舒服嘅感受。《讲》当系畀大家多个选择，听我嘅歌唔一定要郁，有时都可以静落嚟。再加上依家大家都未必需要咁喜庆，听下慢歌都唔系坏事吖，畀大家认识其实我都有好多面。”

《讲》MV连结：https://youtu.be/VogNYVttquA