【专访】做李玟和音够过瘾 吕乔恩：唱足3个钟似自己开骚！
吕乔恩(Quinn)由以往ZolarWind的主音，换身一变成Solo歌手，推出自己一手包办的新歌《恏人》，带乐迷认识不一样的自己。除了歌手的身份，也是演唱会和音乐手，又是歌唱老师，亦唱过电影配乐，是一个不折不扣的Slash(斜杆族)。同时这些身份让她在音乐行业中有不同的见闻，想知更多她的故事，记得看这篇专访！
摄影：梁碧玲
乐队主音走到Solo歌手 吕乔恩的另一面
以往从ZolarWind认识Quinn的声音，印象中都是她演绎Fusion、摇滚等曲风，是厚实、充满爆发力的声线；但今次《恏人》却颠覆大家的认识，走苦情歌路线，声线相对柔弱一点，带大家认识不一样的吕乔恩。到底是甚么因素驱使她有这个改变？她说：“其实冇特登选择嘅，但系想做一首歌大家容易记得，希望大家唱K都会唱。其实自己仲有几首作品喺手，不过同公司倾完就觉得不如派咗呢首先。”她又提到，声线上的转变不是刻意去“扭”，反而是自然而为的事：“其实唔系特登去改变，本身唱歌把声都好似家咁，以前Zolarwind监制有特别嘅要求，所以要配合佢。以前就算唱live都同唱片把声好唔同，因为要夹硬扮一个声对我嚟讲好困难。无奈如果当时监制要求咁就要做啦，但老实讲𠮶个唔系我自己，我唔系几主张去扮啲乜嘢。”Quinn深信，不只是音乐，所有艺术都应该发自内心，不应太刻意去表达一件事。
《恏人》虐心歌词嚟自亲身经历？ “感情方面我系弱者……”
作为个人发展的新歌，《恏人》由Quinn自己一手包办曲、词、编，歌词所写得相当凄惨，像在乞求另一半，写出如此虐心的故事是否出自她的亲身经历？她说：“可能有少少自己影子嘅，不只系用嚟做包装，只系觉得反正写惨情歌就不如去尽啲啦。我自己又未去到咁惨嘅，不过感情方面都系一个弱者。”外表及声线挺Quinn竟然是个感情的弱者？相信不少乐迷也想不到，她笑说：“其实又系自己攞嚟，因为我一拍拖就觉得，钟意一个人就要毫无保留去付出，就好易踩到好深，当冇结果𠮶阵就会受伤。”
监制都讲人夹人缘 唱电影配乐又系咩玩法？
以往Zolarwind由艺琛担任监制，而今次《恏人》由江晖担任监制，而他同时有负责电影配乐，所以让作品变得更多可能性。曾与不同监制合作，Quinn对此也有些心得：“监制嘅能力就系要判断好定唔好，佢要好敏感听得出你入咗戏未。无论音乐造诣有几好，但系如果唔识去感受都系冇用，变咗我唱十次都系一样，都唔知个监制要乜，有时会好炆！”
江晖本身是演员出身，所以很懂得去感受歌曲中的情绪，所以这次合作非常顺利， Quinn因而参与很多人声的演出，电影、剧集等等。她更即席示范运用不同音色去唱电影配乐，她分享：“唱电影配乐好好玩㗎！要扮好多声，好似《冰封侠》有一段要啲蒙古唱腔，我要即刻扮𠮶种‘嗌’嘅声。又试过为一段情欲戏唱配乐，系冇谱嘅，但你要望住个画面，唱到个feel好match个情欲戏。亦试过《栋笃特工》入面，有一段要啲日本动漫feel，我要扮日本少女声。全部都系平时唱自己嘢唔会做嘅事！”Quinn的工作人员更分享，原来她平时私下爱扮小丸子声线录短讯，而笔者亦亲身听过，神似得要写个服字。
回想最初入行，Quinn的“通关考验”原来是因为细Al(杨云骠)，她回想：“我第一个演唱会和音，系做许冠杰演唱会，当时细Al做Band Leader。有一次我唱event佢喺到，就问我‘有冇兴趣唱和音呀？你啲音好准㖞’然后佢试我，揾张纸写咗啲唔知咩，话自己作咗首歌，叫我唱嚟听下。其实佢系想睇下我识唔识睇谱，根本就试我sight reading，我谂𠮶首歌佢随手写，哈哈！”
结语：做好自己自然有人欣赏
正如文章最初提到，Quinn是个Slash，在音乐行业中不同岗位也会见到她的身影。虽然大家都听过“香港地做音乐好难”的论调，但她认为只为做好自己的专业，问题自然迎刃而解。她说：“用音乐嚟揾食，净系做幕前系好难，不过做埋幕后而且变成专业，其实做演唱会饿你唔死。虽然都会惊，但其实行行都惊㗎啦，唯有做好自己令多啲人揾你。有啲人可能好懒，为咗揾钱hea住做，但我始终相信落力去做系有人睇到！”