【专访】J.Arie为生计曾秘捞唱骚：我特登易容希望唔好畀人认到

沉寂了一轮，J.Arie雷深如今年透过ViuTV剧集《假设性无罪》的演出，以及演唱主题曲《风雨花》，再次现身于观众及乐迷面前。从出道开始，其实J.Arie的音乐作品，往往也会跟影视作品拉上关系，并获得不错的成绩，包括《我就是主角》、《每一次都是你》、《你死我活》、《我错》等电影主题曲，大多也能打进三台歌曲排行榜的三甲位置。刚刚与签约6年的旧公司太阳娱乐解约，J.Arie似乎比以前更清楚自己面前的路应该怎样行：“最近同邵氏签咗约，希望可以一路拍剧，一路喺音乐上揾到新嘅出路。”
摄影：叶兆康
Makeup : Jessica @ Jessicachan make-up
Hair : Bowie Lo@ Fifth Salon

其实J.Arie今次为ViuTV主唱剧集主题曲前，背后也有一个故事：“本来我冇谂过今年出歌，反而我系希望作多啲歌，但唔系自己唱。由年头到而家，我一直写落咗好多作品，不过系派畀其他歌手去唱，例如之前帮黄淑蔓写咗一首《Dream My Dreams》，迟啲仲有写畀其他歌手嘅作品都会陆续面世。”

J.Arie坦言，今次为《假设性无罪》所写的主题曲《风雨花》，本来是写给另一位歌手的作品：“咁啱ViuTV话想用我一首歌去做剧集主题曲，我觉得呢首《风雨花》好适合，唯有问返𠮶位歌手攞返，其实我都觉得唔好意思，但我又冇其他歌可以用，之后作一首再好啲嘅歌畀佢啦。”比起再由自己去演绎作品，J.Arie认为她现时更享受是幕后创作：“希望嚟紧五年都可以写多啲作品畀唔同歌手，令大家对我多一个作曲人嘅身份认同。因为自己唱其实都有好多嘢要兼顾，例如今次呢首《风雨花》，真系每一蚊都自己攞出嚟制作，要多谢每个帮呢首歌出力嘅音乐人，包括编曲兼监制糖兄。”

近年乐坛的景况似乎越来越难走，有大公司背景的歌手如是，没有大公司支持的更加找不到出路。可能不少乐迷会觉得，J.Arie修读法律系出身，大不了便重返法律行业，找到了资金再延续自己的创作生涯，她表示：“的确，曾经我都有谂过，即使唔系重返法律行业，我系咪都应该尝试去做其他行业，去帮补自己做音乐。不过后来谂通咗，到底值唔值得投资其他时间去做同音乐冇关系嘅工作？我宁愿做一啲同音乐可以拉上关系嘅工作，充份利用呢啲时间帮自己。”

于是J.Arie决定了签约邵氏，虽然看似跟音乐工作没多大关系，重心反而是拍剧：“始终拍剧都系呢一行嘅工作，我可以透过演出令更多人认识我，我再推广自己嘅音乐。”虽然未有剧集出街，不过J.Arie表示新公司亦相当理解她的状况：“除咗剧集，佢哋会帮我接一啲音乐演出，我自己其实好希望可以继续做呢类型嘅工作，始终影视同音乐都系相辅相乘，邵氏比我嘅自由度好大，可以令我喺音乐工作上无后顾之忧。”