【容祖儿演唱会】为友情愿做代母 张敬轩：珍惜今世朋友缘份已够
容祖儿《PRETTY CRAZY》红馆演唱会已快进入尾声，歌迷足足等了15场，Joey终于成功从下面请到张敬轩上台，二人老友到愿为彼此赴汤蹈火，为了报答张敬轩连日来尽心尽力当她的御用调音师，Joey甚至承诺：“如果你真系揾唔到女朋友嘅话，我可以帮你做代母！”Joey语出惊人，除了台下歌迷被她的发言吓到外，连张敬轩都不例外，连忙回答让她打消念头：“你啲基因…虽然都好好，但系我觉得呢世珍惜做朋友嘅缘份就足够啦！唔系第时我去你屋企，我应该叫你妈咪做外母好，定系Auntie好呢…”说罢，他们自己也笑到无法说话。
早在张敬轩出场前，Joey还打算先欺骗观众：“你哋唔好以为日日都有嘉宾先得㗎！我今日唱一首我好钟意嘅歌！”便奏起《黄色大门》的音乐，果不其然，张敬轩在间奏时从升降舞台中出现，和Joey一起合唱。歌毕后，Joey和张敬轩与歌迷问好后，便立即相拥锡锡，然后Joey说：“呢个人真系唔话得！首先呢，我哋一路以嚟对佢嘅风格都系奚落佢呀、整蛊你呀！”张敬轩语重心长说：“嗱！老老实实，唔好乱讲嘢好唔好？”Joey马上回答：“我梗系唔会乱讲嘢啦，你对我嘅大恩大德，我没齿难忘！但我真系好想讲，佢晚晚都喺下面㗎嘛，但我好记得佢有一日讲‘谢霆锋真系好靓仔啊’！”说完便像小女孩般手舞足蹈，续言：“如果关智斌系靓仔，佢一定系最靓仔㗎啦！”全场观众哗然，亦杀张敬轩一个措手不及，可谓完美得分。
“你都讲得啱，但系点解唔讲我个名呢？”张敬轩好奇一问后，让Joey作势掌嘴，并连忙卖口乖说：“我唔啱，系我唔啱，你系顶级绝世帅呆男啦！”然后向转向歌迷讨欢呼，问难道大家不认同吗？张敬轩便答谢歌迷畀面：“多谢咁多位善长人翁日行一善呀下！”突然兴奋捉住张敬轩说：“你知唔知你靓喺边呀？”再以一副得逞的可爱表情说：“你靓喺个心度呀！”让他没好气的回应：“咁啱嘅，我觉得你都系呀！”完全就像是两个小孩在游乐场斗嘴一般，让歌迷笑得乐开怀！
话锋一转，张敬轩突然转去感性mode，向Joey送上联同幕后工作人员写的鼓励卡，物轻情义重，让Joey珍而重之的收下。他便开始说起连日来陪伴在Joey身边，看到她所经历的华丽背后：“我谂大家喺咁瘦削嘅身子板、咁大条裙包住，大家都睇唔到佢身上面有几多伤，我就有幸就可以喺后台见到佢好少布嘅时候…”Joey惊呼：“咩呀！你有望入嚟咩？”张敬轩带着迷之微笑解释：“我都有望下嘅都，你唔好信𠮶啲嘢写先得㗎！”Joey笑骂：“你无赖！我信错你！”他便不在意地揶揄一句：“算啦，睇完都唔知睇咗啲乜！”便继续说故事：“净系佢脚嘅范围，佢每日都要痴住胶布去着演出嘅高踭鞋，佢无论系皮外伤啦、内伤啦，佢今日开骚之前都仲去针灸同睇骨科，所以我喺呢个台底十几晚嘅时间，我都觉得容祖儿系值得所有最好嘅嘢喺佢身上发生嘅！”有台下观众大叫：“你好叻呀！”
接着，便在笑中有泪的动人气氛下合唱《樱花树下》，他更搅鬼把第一句歌词写成“树荫有一个阿婵，跌落我身边”，逗得Joey一笑便立刻走过扑入他的一双肩，全场歌迷见证二人好交情。原以为随着音符落下，嘉宾环节也结束时，歌迷的一声声“Encore！Encore！”意想不到的唤来加码环节！
“我系好明白事理，我系唔会放你走，因为就算放你走，你都唔会走㗎啦，你都仲喺下面嘅！咁你有咩打算呀？”说到这里，全场歌迷已陷入疯狂，看来张敬轩是无法离开了，他似早有预备的说：“以往啲嘉宾都系每晚上嚟唱两首歌，同大家Say下Hi，两梳蕉咁上嚟。但我就同大家唔同嘅，我决定我今晚要表演一样嘢！你咪喺台下Quick Change嘅，我就要做台上第一个表演Quick Change嘅嘉宾！”说罢，便半脱下外套，灯光暗下时只听到Joey的声音导航：“搞咩呀！睬！好肉酸呀！”
灯光再次亮起时，他已穿上一件火龙果外套，变身为“乐坛妖孽”火龙果了，更立刻做上一系列性感舞步，就像“M字脚”、“性感起立蹲下”等，Joey大叫：“7月流流，人哋话娱乐圈养鬼仔我都唔信呀，佢今日真系带咗佢只鬼仔上嚟呀！”张敬轩便做出乩童动作，马上请出火龙果，与Joey异口同声以气音说：“姐姐！”二人便立刻忍不住相视而笑，Joey笑着说：“好得人惊呀大佬！要拎道符痴落你度！”张敬轩适时提醒：“要揿我人中！”
张敬轩切换到姣中带点风骚和八婆的火龙果频道后说：“Hello，大家好嘛！大家有冇听过我𠮶首《Pretty Hungry》呀？你哋今晚Hun唔Hungry呀？Hungry嘅畀啲尖叫我呀！我讲下笑啫，大家好我系火龙果！大家知唔知我今晚嚟系做咩呀？”便大力地踏地，语气坚定说：“系踩场呀！”Joey在旁撑腰说：“开心啦！登上红馆啦！”火龙果立即有样学样，撑起腰说：“得你识撑腰呀？我呀，唔开咋！我开嘅话，几多人幸睇呀！”歌迷便立即配合送上欢呼，Joey便说：“点呀！话晒今日个场系我㗎，你开第时先算啦，唱未呀！？”火龙果便转身委屈地说：“所以呢，人哋讲我都唔信，话啲乐坛前辈特别难搞！”Joey终于要爆了，忍不住便冲向前搣火龙果的屁股，然后肉紧的说：“搣你呀！快啲啦！”终于迫得火龙果立即向歌迷派上“扎年”用的火龙果后，便全场一起进入疯狂状态合唱《Pretty Hungry》。