【容祖儿演唱会】谢霆锋为撑场赶返香港　一句说话冧到Joey晕晒浪

容祖儿《Pretty Crazy》演唱会每晚都有重量级嘉宾，继张学友与刘德华两位天王助阵后，昨晚又有一位“Boss级人马”现身，他就是谢霆锋。两人由细玩到大，霆锋更是特意从外地赶返香港撑场，一句说话冧到Joey红都面晒。

Joey介绍霆锋出场时说：“如果张敬轩系靓仔，佢系超级靓仔！佢平时好Chok，但系其实有一颗温柔的心，因为我见证过！”随后唱出《玉蝴蝶》介绍对方出场，令台下陷入疯狂，尖叫声不绝。

及后两人相拥，Joey说：“Hello 大佬！点解咁耐唔见你？你系咪系北京忙紧呀？”寒暄后补多句：“我以为你系北京过……你呢轮dry唔dry呀？”顿时令霆锋尴尴尬尬，能够令这位型佬流露羞涩的表情实在不简单。

霆锋及后立刻转话题：“记得你揾我个日你病紧，我真系听唔到佢讲乜，讲咗三个唔知咩字。我就话，你唔好讲野住，你要乜都得，唔紧要！”他续说：“其实大家都知唔止我一个，全行仲有好多人都会撑容祖儿，因为佢系一个抵撑嘅人！”Joey即刻冧到晕掩面：“好感动呀！ 谢霆锋同我讲呢啲嘢！”

不过轻松完一轮，霆锋忽然一本正经，有说话跟红馆讲：“我想同呢个空间讲，红馆呢个空间呀！我入左纸两年，一次又一次被推翻，再推我就唔开喇！”Joey闻言立刻打圆场：“锋哥，千错万错都系我嘅错！唔好咁讲，你知唔知我呢个骚都攞咗很耐期先有！无论等到边一日，总之大家都会等你嘅，系咪？”最后两人合唱《阿门》，又走到观众席握手，Joey对观众赞霆锋：“系咪好靓仔？不老传说呀！食咗防腐剂呀！”