【容祖儿演唱会】刘德华现身全场疯狂　Joey摸天王面珠兴奋嗌救命

容祖儿《Pretty Crazy》红馆骚惊喜一浪接一浪，每晚的嘉宾都“核弹级”震撼，如张学友、李克勤、古天乐、Dear Jane、TWINS、关智斌等，粒粒皆星。昨晚第十二场再次震撼乐迷，邀请到另一位天王——刘德华助阵。全场High爆之余，Joey更变成“迷妹”，兴奋说：“救命呀！好近呀！我想晕低！”

进入嘉宾环节，Joey先卖关子说：“今晚呢，呢个真系唔简单，我称不上同佢好好朋友，因为佢系我心目中系遥不可及！早超越了偶像，是我学习的傍样！总之佢叫我行东我不会行南，佢叫我坐我不会企！今晚好荣幸邀请到佢上来我这个舞台，请大家以最热烈掌声，欢迎我今日的VIP！”
随后音乐响起，Joey唱出刘德华的《谢谢你的爱》，全场为之疯狂。华仔一上台，Joey立即飞扑上前，揽到实一实，然后面红太叫： “好近呀，救命呀！我想晕低！”华仔笑住回应，“我好少抱啲咁后生嘅细路女。”Joey问立刻变成迷妹问：“点解你咁靓仔？”华仔自信回应：“系天生㗎！好多时我同人讲，唱歌跳舞可以勤力去练，但系靓仔真系冇得练。”Joey心心眼再问：“我可不可以摸你一下？”然后伸手摸华仔块面，全场再次陷入疯狂。


点击睇图！睇下Joey见到华仔之后“迷妹”到咩地步！

两人于不同年代当红，华仔问Joey：“点解会请我做嘉宾？你都唔系我个年代……”然后两人回想起2004年一同得奖的事，华仔更笑谓：“记得！我好似带住个女去攞奖一样！”Joey继续迷妹上身：“我想话你知，我第一次入红馆睇演唱会，就系睇你《夏日Fiesta演唱会》，同我个初恋一齐睇。”华仔说：“哦，当年我见到个嘴唇厚厚，同个男仔系到唔知做乜𠮶个…… ”祖儿即答：“冇呀，当年冇打车轮架，最多拖下手仔咋。但系我一直觉得你首《开心马骝》系唱比我听架，因为我属马骝！”随即清唱《开心马骝》给华仔听，场面惹笑。


华仔又谈到自己的“小龙女”，相约Joey 2024年再一同得奖：“因为搞左个小龙女出嚟，所以2024年啦！再一齐拿奖，你唔使等我，我赶紧上来架啦！另外，我个女话，你来睇我演唱会，由头跳到落尾冇停，你其实不止开18场，可以开够28、38场！”最后两人合唱经典作品《一起走过的日子》作结。