【专访】Cheronna唔靠Super Girls单飞出歌：自己都可以唱歌跳舞

有人说“女人多自然是非多”，何况是一队5人的女子组合。女子跳唱组合Super Girls出道至今虽然得到不少乐迷喜爱，近年却因为成员Yanny及Heidi早年传出“为爱反目”一直被指不和。然而，最近成员吴嘉熙（Cheronna）推出首支个人单曲《把持》，成为首位成员单飞发展。事情不禁让人猜测今次能单飞出歌是否与不和的“机遇”有关？

摄影：黄国立

发型：Calvin Tsoi @HAiR Salon

场地：台南阿豆仔

“绝对唔系因为不和传闻而趁机出歌啦。我solo出歌其实系上年已经开始筹备，呢个计划系好早之前已经开始想实行。大家选择嘅路唔同，有成员想拍戏，而我暂时想唱歌跳舞，我想畀人知除咗系Super Girls成员之外，我一个人都可以唱歌跳舞！”Cheronna斩钉截铁地说。

她续说：“今年我打算做3首歌，但系我都唔会将集中力只系放喺自己身上，因为我哋Super Girls都会出新歌，所以我出完呢首歌（《把持》）之后，我就会同其他成员一齐去筹备Super Girls嘅新歌。”

新歌《把持》沿用了与Super Girls合作无间的监制陈考威，加上新曲以跳唱为主，虽然曲风与Super Girls略为不同，“呢首歌由一开始选曲嘅时候已经系谂住我自己一个唱。当时选歌有好多首，但好多曲风上都好group（组合）嘅感觉。要揾一首有节奏，感觉一啲都唔似Supergirls嘅舞曲真系唔容易。”

对于新歌《把持》的MV推出约两个月已在网上录得超过六位数字的点撃，MV充分表现出“男仔头”Cheronna性感，女性化一面。对此，她归功于选曲时的心事及填词人林宝的心机：“呢首歌听demo嘅时候我同填词人林宝已经有一个感觉，就系想大胆一啲，诱惑一啲，大胆程度可以系形容男与女之间嘅sexual（性）。我觉得近年会提起‘性’嘅广东歌唔多，一般比较保守，其实男与女有性之前，会先有爱嘅感觉，所以点解唔可以将性放喺歌词上呢？”

有关注Super Girls的乐迷都明白Cheronna的“男仔头”性格，而且更时常与异性友人称兄道弟。不过自从她与夏雨的儿子黄奕晨（Dixon）拍拖后，“男仔头”性格似乎慢慢被社交平台上的“闪光弹”照片洗去，她笑言：“平时嘅我真系唔系咁嘅人，我畀人嘅感觉都喺一个兄弟，性格比例男仔头。虽然系咁，但我其实都系一个好怕丑嘅女仔，虽然我会与大家分享男朋友生活嘅相，但当我同佢面对面嘅时候，未如大家谂到咁肉麻。”

肉麻定义人人不同，不知道大家看完Cherrona IG上的“闪光弹”后，会否觉得肉麻呢？（点撃以下照片）