【专访】Hotcha十周年重聚爆辛酸 呕住拍《不要防晒》MV你知唔知
由黎美言（Winkie）、张纹嘉（Crystal）、张惠雅（Regen）组成的HotCha，将于今年6月举行《HotCha Are You My Friend十周年慈善演唱会》。为了考验她们过去十年的友谊，她们接受了《香港01》为她们而设的出卖姊妹游戏“Are You My Bad Friend”，结果发现她们之中最爱开黄腔竟然是…详情睇片！摄影：陈顺祯黎美言服装：Needful Things张纹嘉服装：Bread n Butter发型：Haysses Ip @HAiR
今年已成军超过十年的跳唱女子组合HotCha，她们虽然在事业上分途发展，为了纪念她们的友谊十周年，她们将于今年6月3日举行《HotCha Are You My Friend十周年慈善演唱会》。 “不经不觉我哋出道嚟紧第11年，我哋睇住唔少歌迷长大。有一啲歌迷由个样好细个，到依家变哂样，变埋声，生埋小朋友。每次见到佢哋都有好多珍贵回忆，所以今次合体开骚好大原因系为咗歌迷而开，希望佢哋可以透过今次嘅机会重拾大家嘅回忆。”HotCha说。
Winkie忆述：“以前我哋好被动，咩都要经理人打点。工作上都冇太大主见，只要公司吩咐我哋都会跟住做。十年后嘅我哋真系长大咗好多，我哋工作上大家都识主动互相挣取机会，不过呢个团队嘅默契仍然不变，大家嘅关系依然好close（亲密）。”
Crystal则认为大家的傻傻的性格依然不变：“大家感觉真系冇变，十年前嘅我哋喺工作嘅时候会有唔少虾碌嘢，十年后嘅大家相处时依然笑料百出。”
Regen认为HotCha在工作态度上成熟不少，“我谂大家真系成熟咗，做事爽快咗。好似做新歌《Are You Still My Best Friend》或其他决定，大家都好快有共识。以前我哋三个唔会有共识，一般会答‘唔知呀’、‘都系畀公司决定’。而家大家各自各发展，有好多嘢都进步咗。”此时，十年如一日的Regen突然说出了一金句：“总之‘行前一步就系进步！’”Regen说罢后，坐在她身旁的Winkie及Crystal对于这句可有可无的说话无言以对，三个你眼望我眼然后一同大笑。相信熟悉HotCha的歌迷也会明白这就是Regen在说话上的另类可爱。
HotCha出道至今推出了7张专辑，跳舞歌曲多不胜数，当中最令她们有回忆的歌曲原来是2007年出道时的第二主打歌《不要防晒》。Crystal表示：“我睇返好多以前啲影片，原来呢首歌当年有好多年轻人跳cover dance。真系估唔到呢首歌会咁受人欢迎。”Winkie则谓：“《不要防晒》除咗系我哋入行嘅第一首冠军歌，我记以前好多歌迷会打趣问我哋‘HotCha系唔系唔驶用防晒’，所以以首歌歌名真系改得几好，因为好多人因为“《不要防晒》而记得我哋。”
Regen笑言拍《不要防晒》带给她一个噩梦：“我一世人最辛苦嘅一日就系拍《不要防晒》嘅MV。当年我哋去到马来西亚拍摄每日工作20几个钟，瞓觉时间只有几个钟。其他时间要影写真，最后一日行程就要拍MV。拍MV当日我发烧加肠胃炎，全晚冇瞓过。当日我边拍边呕，最后MV拍咗20几个钟，拍完我先可以去当地急症室。所以我每次睇《不要防晒》MV见到自己喺入面笑得好开心，其实我当时系劲痛苦。”
提到今次十周年演唱会，由上年已经在网上疯传，但只属闻楼梯响，她们解释一切都是钱作怪，“其实十周年演唱会的确讲咗好耐，一直未有机会落实原因系‘万恶金钱’。因为原来要落手落脚去筹组，揾人投资真系唔容易，所以我哋一直都唔敢公开讲。今次我哋三个，仲有我哋初初嘅经理人Joey真系付出好多。好幸运，最后有好多单位愿意落实与我哋合作，我哋终于松一口气。”Crystal谓。
Winkie：“其实HotCha久而久之已经变成一个品牌，行内好多人都好锡我哋，好多行内人知道我哋开骚，已经马上要留飞入场支持，又会不停问我哋驶唔驶帮手宣传。虽然成军十年，大家依然当我哋系小妹妹看待，所以我哋真系好幸福。”
至于谈受排练方面，Regen表示：“记歌词会好麻烦，真系好多歌太耐冇唱。同埋都要记边一句系边一个成员唱。”
Winkie则对跳舞方面大感头痛，她表示：“跳舞方面，我哋以往嘅跳舞歌喺music break部分都加入好多舞步，而且仲要非常频密。回望以前会觉得公司训练到我哋三个有一份毅力，可以一边著高跟鞋，一边跳舞唱歌，仲要背歌词，真系一啲都唔容易。以前练舞嘅时候，边一个成员甩一个拍子，公司都会要求整受歌重新开始。”
相反，成员Crystal则认为要重拾舞步问题不大：“要记边一句系边一个成员唱会比较花功夫，反而舞步上我就已经‘入哂骨’，因为以前我哋成日都一日走几场活动，而且仲要跳同一只舞，同一首歌，而呢种生活会维持一个月，当你日日不停唱时，相信只要再练并唔算太难。”