【专访】舞台剧令演技层次升华　刘嘉玲：因为演员有一个坏习惯

影后刘嘉玲在镜头前给予人感觉高贵优雅、做事认真、无论打扮以致工作的专业态度都展示出独立女性的一面。当她接受《香港01》专访时，她自言自己其实超玩得！而且她更挑战《香港01》为她而设的出卖朋友游戏“夺命朋友”，原来她最“攞命”的朋友竟然是华语天后──王菲！详情睇片！

嘉玲姐自言从事演艺事业多年，她一直被舞台剧的魔力吸引，而且每次做完舞台剧后，她的演戏层次更有所升华：“呢个感觉真系要作为一个演员先会体会到。我自问都系一个专业嘅演员，导演要求我拍戏时做任何嘅表情、情绪，我都可以用各种方法去达到对方要求。然而《杜老志》舞台剧令我演技提升到另一个层次，我要更加用心去聆听对手嘅说话（对白）而唔系单单要记住自己嘅对白。因为演员会有一个坏习惯，就系当对手未讲完句对白，自己已经先谂定下一句对白，咁样出嚟嘅节奏自然唔会同正常人嘅对答一样。所以依家嘅我系会聆听对手讲完所有对白，会先消化，然后再选择用咩嘅态度、语气、说话，再去回应对手嘅对白，而呢个处理手法喺我喺舞台剧上学到。所以一位演员要学识对白与对白之间留一个空白位，出嚟嘅效果观众自然会睇得过瘾，因为观众都需要空间思考。呢一个方式对我嚟讲真系一个新发现。”

提到今次《夺命证人》将与谢君豪演夫妻档，她表示：“谢君豪系一位我非常欣赏嘅舞台剧演员。有佢与我同场我真系会特别安心，因为佢嘅舞台经验足以解救舞台上所有突发事件。佢系当时我做《烟雨红船》舞台剧（2000年－2001年）嘅副导演，而《杜老志》佢系做另一条线嘅故事。所以今次可以同佢做一对夫妻，我觉得开心同期待。”

今次嘉玲姐与秦沛（Paul哥）首次在舞台剧合作，Paul哥更戏言要多向她学习，他又表示自己年纪大，担心在台上因紧张而要上厕所，嘉玲姐笑言：“Paul哥好钟意撒娇。其实我同君豪真系睇住Paul哥嘅戏长大。佢系一位好有经验嘅演员，所以我哋从来都唔需要担心。我好希望我哋三个可以共同炮制一个大家喜欢嘅舞台剧送畀大家。”