【自选Playlist】LMF五月开骚“震散”九展　Fans要听歌温书备战

LMF是香港老牌乐队，风格揉合Nu Metal、Hardcore Rap，亦推动了香港的Hip Hop文化，由1999年成立至今一样咁躁，政治、社会、民生各种问题一样够胆用粗口“X！”问侯，其成员除了基本的MC仁、大飞、阿华、Kevin Boy等人之外，不少圈中名人如李璨琛、黄贯中、邓一君等都合作过。虽然LMF于2003年宣布解散，但之后都多次合体开骚，现身大大小小音乐节，并将于今年5月假九展Star Hall开骚，各位fans终于等到！

仲有两个月就开骚，各位fans紧系要温咗书先啦！以下Playlist就拣咗5首LMF代表作，如果系fans就要跟住唱，跟住“X”啦！

1.《大懒堂》

LMF作品咁躁当然要随序渐进，揾首Chill啲、易入口啲嘅听咗先！《大懒堂》面世已经18年，差唔多人人都识唱：“想我都好想好似中咗头奖/有嘢唔使做/老细又吹我唔涨/日日等出粮/无乜嘢需要紧/就系咁嘅样乜都唔使捞就至理想”

真系睇字都有声，不过呢首歌净系听CD系唔够喉，事关佢哋玩Live好多时都会请黄贯中出嚟弹结他Solo，一段表演睇晒两个本地摇滚Icon，抵到烂啦！

2.《傲气长存》

热完身准备要跳喇！第一句“喂！系咪讲几句粗口就会教坏你个仔/又唔见我闹几闹就可以改善社会问题”已经表明LMF嘅态度，唱粗口唔等如泼妇骂街，正因为有理据先可以咁理直气壮。加上曲风是典型Nu Metal节奏，一响前奏就即刻令人进入状态，学歌词话斋“从今天起通通释放自己/仍输得起其实我地也置诸不理”。

3.《屋邨仔》

低下阶层的家庭问题每日都发生，当中的原因千丝万缕，但LMF十多年前写下的社会问题，到今时今日仍然每日上演，实在可悲，不禁令人反思到底这香港社会有否进步过？

4.《揸紧中指》

《揸紧中指》可算是LMF“新歌”之一，但数数手指已经面世9年，亦是较以往作品“干净”；虽然粗口少，但不代表没有态度，不代表回塘。虽然LMF各人经常笑言自己老，唱足一set唔够气，不过唔使惊，只要一起歌就算佢哋唔唱，台下一样成首识背。

5.《爱是》

收录于2002年专辑《嘻哈门》，原为郑秀文主唱featuring LMF，但及后LMF都有以acoustic形式表演，实在要佩服主音阿华的功力，就连女Key都能应付，声嘶力竭地唱“放弃的爱任意去倾倒　莫问爱是糊涂”，令听众有另一番感受。