Shine隔16年出《燕尾蝶》延续篇　旋律同官恩娜新歌撞到应

组合Shine近来密密推出新歌，为将于下星期举行的演唱会造势。近日推出新歌《不怕》，是继早前《老花前必做10件事》后，第二首主打作品，由黄伟文填词、何秉舜及Goro编曲、何秉舜监制，并由徐继宗作曲。Shine表示：“其实一路都好想做一首《燕尾蝶》嘅延续版，讲下自己对呢个城市嘅睇法。事隔十几年，呢个城市又改变咗，所以我哋好快就将呢首作品完成。”

怎料，歌曲未推出街，就发生一件尴尬事件，简直就像当年《夕阳之歌》和《千千阙歌》事件的翻版。Shine忆述：“我哋啱啱录完首歌冇几耐，有一晚收到监制何秉舜电话，佢话听到有首歌个旋律同我哋首新歌一模一样，原来就系官恩娜啱啱推出嘅新歌《宝贝儿》。我哋立刻就追问一下发生咩事，原来系作曲人徐继宗𠮶边唔小心出咗个意外，就系佢一年前就畀咗首歌官恩娜做，但之后唔记得抽起，到我哋拣Demo嘅时候就发生今次嘅双胞胎事件。”虽然《不怕》未见街，不过所有事情已蓄势待发，Shine也表明对今次新歌的喜爱：“其实我哋特登为呢首歌，揾咗一位英国艺术家去设计今次嘅唱片封面，准备喺今次演唱会推出。我哋好希望呢首歌同呢个产品可以推出。”

Shine立即与官恩娜所属的华纳唱片及歌曲原创版权所属的东亚版权部联络，对方亦表示对今次事件不知情，需要进行内部商讨。不过双方也对今次事情抱乐观态度，华纳发言人表示：“虽然闹双胞胎不论如何也是尴尬，但我们跟Shine一向关系友好，何况官恩娜有小朋友及Shine开红馆也是喜事。”似乎下星期便会有好消息落实予乐迷。