黄又南惊现狼人级肌肉　爆肌靠狂操：2个钟只得30秒唞

《Shine Moments Live 2018》演唱会在即，黄又南、徐天佑最近除了为演唱会练歌排舞之余，更是秘密地狂操肌，务求在演唱会中见fans时达至完美身形。近日更有又南操肌的照片流出，唔讲仲以为系“狼人”Hugh Jackman！

根据官方数据，黄又南胸肌已达37吋，手臂更有14吋，2人为了这次演唱会可谓落足心机。黄又南及徐天佑接受《香港01》访问时说：“（又南）主要系想体能上。因为5年前，开三面台嘅时候已经气喘。今次开四面台仲要跳舞，除咗想操个body之外，我最主要都系体能上面再好啲。其实我哋每日排舞都好似做紧gym咁，每日排完舞之后，件衫都可以扭到好多汗水出嚟。”

讲起做gym练大只，黄又南说：“我大约系5个月之前开始做。一星期做四日，一日顶尽都系两个钟左右，不过𠮶两个钟系好地狱式。因为2个钟入面可能只系得30秒唞（休息）。4组入面，每组之间都系得10秒休息。”不过同为Shine拍档的徐天佑都唔输蚀，一样都为咗演唱会操肌。“其实身形唔系我哋嘅目标，系我哋想睇下可以练到点。我之前就一路做开1日400下sit-up，家在加到600下，教练话之后仲会加到800下一日。冇㗎啦，gym room做唔晒，返到屋企都要做埋佢。”

今次又南天佑操肌可以咁成功，原来背后有“高人”帮助。黄又南：“我有一个玩开‘健美’比赛嘅教练朋友帮手。我操嘅时候我哋会互相帮忙。”徐天佑：“前牌张继聪就介绍咗佢教练俾我，佢系女教练嚟，佢就自己操到好犀利嘅，直头好似世界健美冠军个种。”

有健身的朋友都知道，操肌运动量和适当饮食要互相配合。2位在访问中就透露了自己的饮食餐单。徐天佑说：“我已经keep住食左半年，每日就系蛋白、西兰花同饭。因为我宜家唔食肉，所以每日就要食30只蛋白。我宜家都食到哽唔落，试过望住一碗碗蛋白摆晒喺屋企。唉，但系食唔晒个人又会‘揑’咗，咁就又‘扒’入口。咁就维持左半年，教练话宜家可以多翻啲肌肉，所以就可以食多咗一碗饭。”

黄又南：“因为我初期太瘦，所以就可以乜都食，总之一有时间，就唔可以令自己有肚饿嘅一刻，1日可以食7，8餐。最初我系5-6只蛋白咁食，早晚计我顶进都系16只左右。”如果朋友食饭约食火锅又怎算呢？他们说：“可以嗌清汤，放只鸡蛋同菜落去。”唉，2位今次真的可以称得上史诗式的地狱式的训练，为了粉丝们可谓是出尽力。真系好期待演唱会的时候，大只版Shine上台的一刻。