【专访】Hip Hop热潮越快过越好 MC Jin：咁先见边啲人爱呢件事
去年《中国有嘻哈》一推出令华语地区卷起一片Hip Hop热，“你有Freestyle吗？”成为潮语挂在大家口边，大家都认识到何谓rap、对Hip Hop有概念。节目令Hip Hop入屋，由从前的“地下”进入“主流”固然是好事；但亦有人会担心Hip Hop只能成为一时风潮，而非扎实的文化，或者变得商业化。MC Jin对此大方回应：“Hip Hop商业化咗好耐㗎喇！我系一个好好嘅人办！”
陈顺祯摄
虽然有人会对“商业化”一词反感，认为音乐变成商业化就“不够Real”，但艺人也是人，也要面对生活现实。MC Jin认只为要心水清，尊重地去做就不用理会旁人眼光：“我都做咗好多劲商业化嘅嘢，劲多！只不过我过到自己𠮶关！我好清楚自己为Hip Hop做咗嘅嘢，同埋对Hip Hop个尊重，亦唔需要同人交代。其实每一个艺人都系，只要你心水清嘅，根本就唔使同人交代。”
说到底心态最重要，虽然这是老生常谈，但不是每个人都能突破自己的心理关口，MC Jin豁达说：“你话系咪想曝光、想赚钱呀？绝对系啦！”
不过他点出一个关键：“就算我做嘅嘢点商业化都好，rap柠檬茶、快餐店乜都好，劲商业嘅我都做过。但个关键就系，只要你自己承认件事好商业，咁就冇人可以讲任何嘢啦！咁咪就系Hip Hop啰，我想做就去做！我知道出发点系咩！”
至于Hip Hop只能成为“风潮”，还是成为一个“文化”扎根，MC Jin以婚姻去作比喻，他说：“依家就好似Honey Moon，我好期待个热潮过o添！个热潮越过得快越好！当追热潮嘅人忘记咗，放弃咗之后，真真正正钟意嘅人可以继续投入。好似两公婆度完蜜月，返到屋企，到底你洗碗定我洗碗呢？要经历过呢啲嘢，先至知道个‘爱’有几强。”
MC Jin还以Hip Hop初发展的历史去解释现时的状态，他表示：“会唔会个风过咗之后冇咗呢样嘢，其实喺美国197几年𠮶阵，就连Hip Hop呢个字眼都未出，就已经有呢个文化、态度、生活风格。当时头几年无论媒体、大机构、乐坛，都系批评呢样嘢好快就bye bye，但系呢个现象已经40几年前。”
他补充：“将佢套落中国，我强调虽然我哋系因为呢个节目，喺旧年夏天就爆红，但系你问我，其实中国一直都有Hip Hop，有一班超爱Hip Hop，出骚出Mixtape嘅人，只不过一直都冇一个好大嘅平台去宣扬，而《中国有嘻哈》就打破呢样嘢，将呢样嘢带俾老百姓接触到。”