【专访】MC Jin当初要做Hip Hop Man唔容易：最大嘅hater系老窦
Hip Hop Man、立青哥、ABC等等名字任你如何称呼，他就是他——MC Jin欧阳靖。
摄影：陈顺祯
MC Jin去年参与《中国有嘻哈》，以金色面具人Hip Hop Man形象登场，贵为神级Rapper却由零开始，从海选一步一步打入12强，即使没有夺冠仍然获得各界掌声，人气再次急升。MC Jin更以《I AM HIP HOP MAN》为题举行内地巡唱，但当人人都只看到他现在成功的一面，又有几多人知道他背后经历过的辛酸？
回想起那段浮浮沉沉的时间，MC Jin话：“𠮶阵唔好话有冇考虑放弃啦，其实……基本上放弃咗㗎喇！”虽然意志消沉过，但现在回望，MC Jin庆幸有呢段经历，他更表示：“我嘅人生最精粹就系呢段时间！”
由BET《106 & Park》成为7届台主，Freestyle 连续Rap赢多位黑人rapper开始，MC Jin声名大噪，自然工作量与收入都直线上升。但年少气盛是常识吧，MC Jin形容自己为：“我无论去边，一行入去就有个款话俾人听‘冇错！我就系最劲𠮶个Rapper MC Jin！’”当时势头强劲自然受万人敬仰，但到06、07年脱离唱片公司之后，MC Jin就深深体会到可谓“现实”。
虽然与唱片公司和平分手，但之后的落差实在并不是人人受得了，MC Jin忆述：“有公司𠮶4年系顺利嘅，揾好多钱，但揾几多使几多，有时仲会使凸；到冇公司之后，人气同工作即刻跌，所谓嘅朋友同fans都好似唔认得你咁，真系知道咩叫现实。”
要维生就要为自己找出路，MC Jin试过整作Mixtape在网上销售，岂料一句“喂Jin乜搞到咁嘅样呀你？”又一盘冷水照头淋。MC Jin形容当时心情很挣扎，但他认为：“除咗Rap范畴嘅嘢，我仲可以做到啲咩呢？”他又以快要熄灭的烛光形容当时对Hip Hop的坚持：“如果支蜡烛真系烧到冇，就真系要谂下系咪去Starbucks，宜家家私又好，正正经经揾份工呢？”
幸而当MC Jin捉襟见肘时又会有工作机会出现，虽然收入不多，也能足以维持生活，所以就更挣扎，他说：“唔好话有冇考虑放弃啦，其实基本上放弃咗㗎喇！Hip Hop、舞台呢啲嘢，我系放弃过，我觉得冇㗎喇，但系佢冇俾机会我去到揿掣呢个位。夸张啲讲，我想放弃Hip Hop𠮶阵，Hip Hop唔想放弃我！”
不过人生的剧情总是峰回路转，直到08年有人问MC Jin“有冇兴趣喺香港出只碟呀？”，往后才有大家认识的“ABC”、“立青哥”。MC Jin话：“其实我真系唔系好劲！但你问我系咪好努力？系。我系咪好珍惜？系。同埋我好热爱呢样嘢！”
“放开就是拥有”大家都听过，但MC Jin对这句老生常谈有很深感受：“系失而复得之后先有依家嘅心态，所以我点解会咁珍惜呢段Hard times。之后我可以点样发展真系唔知，咁当然都希望系好啦！但就算听日冇晒，我都会好舒服，就算大叫‘Damn’都系一下。呢样嘢真系几多钱都买唔到，有时你愈捉得紧就愈辛苦。”
能够达到MC Jin这种界境的确要有所历练，可能正在读这篇访问的你都在经历迷失方向的时间，MC Jin对大家说：“时间自然会帮你安排，但呢段期间你都要继续争取，继续去行，只要机会一到个机会喺到，你ready for it，自然搞得掂。”MC Jin搞笑话：“由我玩Hip Hop开始，最大嘅hater就系我老窦，但系依家佢都好支持我，会觉得呢个文化好正，所以有啲嘢真系世事难料！哈哈！”难得揾到MC Jin做访问，又点止得咁少嘢倾呢！记得留意下一集，原来MC Jin都俾人闹过“收皮啦！”，到底因咩事呢？