MC Jin广州开演唱会全场大合唱：每一滴汗都系为你哋而滴

MC Jin的《I AM HIP HOP MAN巡回就唱会》昨晚在广州体育馆举行，无论你叫MC Jin、欧阳靖、MC Jin，他拿起咪一口开口rap，除了知道他是“老江湖”之外，你还感受到一人压台的王者风范，“呢个MC真系好把炮”。

演唱会以《Hip Hop Man》揭开序幕，全场都跟住唱“嘻哈是甚么？甚么是嘻哈？”加上MC Jin落力演出，手舞足蹈跑足全场，整个演出毫无冷场，欢呼声此起彼落。众所周知MC Jin以英Rap起家，所以歌单有一半都是来自专辑《14:59》的作品；不过，MC Jin能够在香港入屋都是因为广东话Rap，自然要唱返几首大热作品满足歌迷。

《ABC》的前奏一响起已经令歌迷为之雀跃，更有乐迷听到头一句旋律就能嗌出歌名，全场一齐唱“ABC系我系我，横睇掂睇都系我”是常识吧，加上荧幕播出地道的街景， 使人更投入歌曲之中。紧随其后有《真正Hip Hop》、《识讲唔识睇》、《香港Superstar》、《人气急升》及《发咗达》，全部都是2008年专辑《ABC》的作品。这些歌曲都是MC Jin打进广东话rap的头炮作品，加上观众都听得明广东话，所以份外有亲切感。

跑跑跳足成场其实都好消耗体力，MC Jin都唱到成头汗，佢话：“其实我依家全身都流紧汗，每一滴汗都系为你哋而滴嘅，希望你哋感受到我嘅落力，我嘅享受，我嘅感激！”

MC Jin又感触话：“我真系好钟意Hip Hop呢样嘢，但我大个咗就发觉，其实唔系你话好钟意𠮶样嘢就可以去揾食，养到家。我嘅事业经历唔同高低起跌，好彩一路Hip Hop陪住我，所以每次有得喺台上表演真系好难得，多谢大家！”

的确梦想同面包一向都系千古难题，尤其MC Jin走过高山低谷才有今日的成就，难怪份外感触。不过，身为MC当然要继续rap落去，到演唱会尾声MC Jin唱出《零》、《不帅》、《Glow》，最后encore多次《Hip Hop Man》。

完骚时MC Jin感性地说：“如果呢个演出，呢一刻系我最后一次rap，我都唔会后悔！我永远都会记得，唔会有遗憾！其实Hip唔Hip Hop唔系最重要，最重要系家人同健康，如果冇咗呢啲嘢，一切都系meaningless！多谢你哋！”