【专访】关智斌只身返内地由零开始　心灵安慰全靠一部面包机

歌手关智斌（Kenny）转战内地发展多年，虽然在香港不是常常听到他的消息，但每次见到他的报导，都是以他在内地的收入作标题。上年就有报导指他收入超过5千万人仔，今年又有报导指他收入达7千万，而且更购入多层豪宅做“砖头王”。眼看他风山水起，真的想讲一句“揾咁多，俾我都唔返香港啦！”当大家一心以为他名成利就全靠公司的光环时，但这一切都要由当年他在内地担任由三、四线演员开始。
摄影：黄永俊
场地：Vesper Bar
Make up: Elaw Wong assisted by Crystal@thelook-studio.com
Hair: Keith Wong & Alan Chan @Orient4
Wardrobe: 5 cm

对于很多香港歌手或艺人来说，能到内地发展绝对是事业上的大跃进及揾真银的机会，如陈奕迅、陈伟霆（William）、邓紫琪（G.E.M.）等。不过对昔日Boy'z成员关智斌（Kenny）来说，却是重新开始。他当初在香港演艺事业发展未如理想，于是把心一横，只身到内地闯天下。

“大家可能唔知，其实当初上去系我自己意思，公司冇特别安排人手，而我自己一个就拖住个皮箧上去，咩人都唔识，咩都系自己做。我当时上到去拍戏都系做三、四线嘅角色，一般都系做𠮶啲抢人女朋友、斯文败类、强奸犯、道友嘅角色，其实钱系唔多，不过起码有嘢做。虽然咩都系自己做，但我好感激有呢段经历，因为我知道自己以前几咁唔识珍惜身边嘅机会。就系咁，我一直做，到后来有拍完套剧叫《追鱼传奇》，就系呢套剧令我到内地人真正认识我。”

“我以前以唱歌为先，不过去内地挨下拍下，培养咗演戏嘅兴趣。呢样系我都估唔到。我觉得拍戏系好释放到自己感情嘅方法。以前嘅我对身边事物冇乜感受，冇体验，想喊都唔识喊。依家嘅我学识感受身边事，我可能睇两句对白都可以流几行眼泪。”Kenny说。

Kenny自2013年主演古装神话剧《追鱼传奇》后人气急升，虽然未如师弟陈伟霆一般“上神台”，但成绩已是吐气扬眉。

其后更剧接剧，过著充实的演员生活，工作如日方中的他也曾遇过想放弃的时候：“我记得有一次拍剧我系好想放弃，因为工作太冇系统。当时我每日都系靠飞纸仔工作，次次去到拍摄场地都冇得事前准备，只可以去到人哋俾咩对白我就跟住去读，完全系冇前文后理，冇灵魂。”

Kenny续道：“我有时会谂，点解我要离乡别井，每日一早化妆带住个头套，做一啲冇价值嘅嘢呢？当时除咗我有咁嘅谂法之外，同剧嘅另一台湾女演员都有同感。呢几个月我哋可以用‘相依为命’来形容，大家喺呢份工作上得到嘅乐趣，就系佢有一部面包机，而我有一部咖啡机，每日佢整面包我冲咖啡，日日如是。”

今日再回望，Kenny也学会释怀：“𠮶次系我第一次好想离开一个剧组嘅经历。其实做嘢边会次次都冇委屈，不过我系一个好善忘嘅人，好多时都会唔记得。每次完成一套剧返香港，我就会当发完一场梦咩都冇哂印象。”

Kenny回内地拍剧后学会释怀，变得豁达，谈到昔日被戏称“小斌女”，现在却因为钢条身型被称作“小斌佬”，他表示：“我当初系因为健康，同埋对自己嘅一个承诺所以走去地狱式训练。初出道时公司已经叫我同Steven去做GYM，虽然系有去，但去到我最多都系举两嘢跟住玩手机再自拍交功课。直到两三年前，我想改变，之后先决心去练。”

下定决心作改变，不单止令Kenny变“小斌佬”，还带来更多工作机会：“不过讲开健身，依家喺内地工作‘大只’已经变成一个基本需要。我发现好多剧本都需要有意无意除衫，无啦啦都又要加一幕出浴，甚至拍古装嘅时候都会有一幕系讲练功，但系又要练到爆衫。其实谂起虽然系几搞笑，不过我认为大只咗系好事，多咗工作机会，仲有多咗角色嘅选择。”

谈到现在的“小斌佬”在内地风山水起，他的工作收入常成为话题，Kenny坦言：“上年话我收入5千万，今年收入7千万，我当然冇啦，呢个数字太夸张，印银纸都冇咁快啦！不过我有信心我将来有机会揾到，我会以呢个为目标。”

快将37岁的Kenny近年事业不错，在内地剧接剧，奈何他公开表示自己是一名“单身狗”，问到他会否有成家的打算？他直言渴望有家庭：“我想有自己家庭，我好想结婚。只不过人大咗好似仲难揾合适嘅对象，因为真系冇时间去拍拖，去好好同一个人去相处。”

Kenny师弟陈伟霆比他上内地发展还要迟，但现在已达是“神台级”，他大赞这位师弟是实至名归：“William真系一个好勤力嘅人，只要佢下决心佢就会不停做，想做到最好。我记得佢之前学结他，因为佢想表演，佢真系日日练几个钟。就算出去做嘢佢都会拎住支结他，一有时间佢就会不停练。除咗勤力之外，佢仲好识得拣剧本，每次有剧本佢都会睇得好仔细，知道咩嘢先合适自己，所以佢成功真系有原因。”