【独自音乐】卫诗受郑秀文鼓励　挨过困难时间：Sammi真系天使

在我们的成长路上很多时候都是从错误中学习。有些人会因犯错而觉得自己没有价值，选择放弃自己，逃避现实，不敢面对自己的过去，更怕面对的是别人的目光。曾经因此而走进人生低谷的歌手Jill卫诗，面对逆境时曾想过放弃，幸得儿时偶像在此时伸出援手，令她人生步向正轨。在今集的《独自音乐》，Jill唱出《Hero》及新歌《缺氧》，并希望以自己的故事把迷失的人带出低谷。摄影：江智骞发型：Jamie Lee @HAIR化妆：Marsha @江中平化妆室服装：5cm

“我由10岁开始就住喺红磡，所以我有好多童年回忆。红磡系一个有好多老字号餐厅嘅地区，街坊好有人情味，每次去食嘢或者经过，餐厅嘅老板都会好热情。而且呢度可以话系我第一次接触音乐的地方。我19岁开始就会同家姐（Janice卫兰）跟著爸爸去lounge（酒吧）唱歌。除咗唱歌之外，我哋又会一边听一边学不同类型的歌曲，如Jazz R&B Pop 甚至较少接触嘅广东歌及国语歌。我哋细细个已经好多嘢一齐做，落街食饭、一齐唱歌；最好笑系因为大家都唔识中文但系又要唱广东歌，所以我哋会一齐写英文拼音唱广东歌，但系身边又无人识中文，所以唱错大家都唔知。”卫诗忆道。

歌手卫诗（Jill）于2006年出道，较孪生家姐Janice迟出道两年的她，虽然初初成为歌手时与Janice曲风不一样，但因为两位是孪生姊妹及声线相似的关系而被人作比较，也曾传出她们的关系欠佳：“其实由细个开始已经好多人将我哋比较。你问我哋有无互相比较，我谂会有，不过唔系恶意竞争。读书时期我哋成日compare（比较）大家成绩，睇下边个画画叻啲，边个数学叻啲。结果家姐叻啲，不过其他科我会好过佢，其实我哋习惯被人比较。”Jill笑言。

Jill续说：“到我出道嘅时候，大家都会继续将我哋互相比较，之后好多新闻传我哋不和，如果我话无影响系呃你，而我自己曾经都有喺内心入面同家姐斗。虽然我有同家姐讲我有唔开心，但我唔会好直接讲‘I am jealous with you！’不过呢啲都系初入行嘅事，依家我哋都变咗好多，成熟咗好多。大家有得唱歌，可以将自小钟意做嘅嘢成为职业，我觉得好幸福，我会好好珍惜。依家同家姐同一间唱片公司，我想将我嘅工作take it seriously。”

在Jill的心目中，放弃这念头的确曾出现在她的脑海中，不过只是短暂，她庆幸身边有不离不弃的家人及朋友令她知道汲取教训后，只要有决心，人生依然是充满希望：“啲人会话Jill以前做过啲嘢唔系几好，我会同佢哋讲呢个都系以前嘅我。我好感恩再有唱歌嘅机会。我曾经系有过一段好困难嘅时间，我有谂过放弃。但系我好感恩身边出现好多天使去鼓励我，关心我，其中一位天使就系Sammi郑秀文。2007年Sammi开《Show Mi》演唱会嘅时候邀请我做嘉宾，自此我哋就一直都有联络。跟住我经过‘日本一事’翻到香港佢就即刻打俾我，关心我，同我传福音。有一日Sammi就话去探佢自己嘅家姐，因为当时Sammi嘅家姐就住我楼上，佢话想见我。之后佢就上咗嚟我屋企探我，送咗好多书俾我睇，其中一本就系圣经。”

“我一开门见到Sammi𠮶一刻我无好惊好尴尬，我系好开心。估唔到我儿时偶像真系会嚟揾我。喺我日本返嚟之后好多身边嘅朋友对我唔同哂，我会好明显知道边啲人真系关心，边啲人唔关心你。唔计屋企人，Sammi真系第一个关心我嘅朋友。所以我真系respect（尊敬）Sammi，我唔开心嘅时候佢会鼓励我，佢教我积极面对将来。佢会text我‘Jill你点呀，你有无事呀，I am thinking about you。’佢真系一位天使。依家我可以重新开始做歌手，除咗要多谢佢之外，我想借呢个机会话畀人知，我以前发生过嘅事已经成为我嘅‘见证’。我觉得呢个故事可以帮助迷失嘅人。跌低过嘅人系可以企起身，前路系有希望。你唔需要去逃避，唔需要放弃，只要你有勇气，你系可以改变你嘅fate（命运）。”

Jill深信音乐像她身体的一部分，音乐令她的人生充满力量及激情，音乐除了可以抒发情感之外，也可以给人一种积极的态度。也是因为这个原因，所以Jill特意在《独自音乐》中翻唱出Mariah Carey的《Hero》。

“只要你克服挫折，唔好放弃，其实你已经系一个Hero（英雄）！”Jill说。

《缺氧》曲：徐继宗／词：陈咏谦／编：T-Ma／监：陈考威

Jill新歌《缺氧》，是首形容男女在情到浓时眼神交会的瞬间的作品。那种感觉可以似是触电、可以像时间停顿、也可以让你呼吸困难如缺氧般。虽然《缺氧》原本是首爱意极浓之作，但今次在结他手Hilson的木结他伴奏下令这种《缺氧》之感在寂寞的晚上变得不一样，。