农夫阔别舞台7年再开骚　毫无冷场感谢乐迷：多谢你哋供养我哋唱K

香港Hip Hop组合农夫今晚于旺角麦花臣场馆举行《农夫等钱洗演唱会》，农夫对上一次开骚已是7年前的事，很多乐迷已“饿骚”很久。陆永与C君拍住DJ Tommy一出场立刻炒热全场气氛，所有乐迷都举高只手企晒起身，欢呼声此起彼落。
摄影：梁碧玲

陆永与C君一出场就话：“欢迎嚟到麦花臣，你睇下呢度几多人，如果你po文记得po上IG、Facebook同连登，俾人睇到农夫上镜靓仔过真人！”然后一段快歌medley包括多首大作：《风山水起》、《音乐大亨》、《学海无涯》、《日出而作》等等，全场乐迷都举高手跟住唱跟住跳，无需热身已经一遍疯狂。

整个演唱会绝无冷场，除了除了陆永C君落力Rap，又有DJ Tommy打碟Solo，RX献技beatbox一把嘴同时做出5种声效，更邀请到Heyo、JYD、Double T等rapper出场freestyle，一同高呼：“香港一直都有嘻哈！无论地上定地下！Respect！”除了rapper又有dancer出场break dance battle，而且农夫两人搞怪跳“热血舞”，满足晒乐迷三个愿望。

惊喜一浪接一浪，农夫二人大放笑弹：“系咪冇揸流滩先！演唱会部份完咗㗎喇！你哋头先又跳又嗌都唔知系你做骚定我做骚，跟住就到我哋relax唱K倾心事。”

农夫又话：“不过同平时唱K有啲唔同，我哋有咪你咪冇；平时有得点歌，今晚冇；今次倾心事，得我讲冇你哋讲。不过有一样嘢相同嘅，就系你哋系要夹钱㗎，多谢你哋夹钱供养我哋唱K！”虽然要“夹钱”，不过乐迷一样受落俾足反应，欢呼声连连。