【任噏乐评】Maroon 5新歌不伦不类 电音仲要整死几多队Band？
美国乐队Marron 5相信大家都不会陌生，由其主音Adam Levine被誉为“全球最性感男人”，又为电影《Begin Again》深情地唱出《Lost Stars》，令乐队一直都人气高企，可以话系“神台级”。普遍人对Maroon 5的印象都是“Funk嘢”、“Un嘢”，由最初《Harder To Breathe》、《She Will Be Loved》，到大热的《Move Like Jageer》、《Payphone》、《Sugar》等等歌曲一直都风格觧明，而听得出是真材实料，乐器是由人手弹奏出，而非电脑揿掣整啲声出嚟。
最近Maroon 5推出新歌《What Lovers Do》，相信不少fans都会失望，因为这首歌听不到Maroon 5，只听到一队跟潮流玩EDM的乐队，更甚可说是“Adam Levine & Friends”。
Maroon 5新歌《What Lovers Do》玩EDM(Electronic Dance Music)，其实都明嘅，潮流兴吖嘛，大势所趋吖嘛，但“Sorry，我觉得一点也不Real”。
《What Lovers Do》成首歌结构都系典型电音流行曲套路，前奏有一堆电子声，用拍手声代替鼓声keep住拍“2、4拍”，再有一把tune到扭嚟扭去嘅人声不断重复住一句洗脑旋律。而且入前副歌整个例牌“急刹”，再入人声以及节拍强劲嘅Drum & Bass，听完成首歌冇嘢记得，净起记得句“O…o…o…o…”。
妈呀！我到底听咗啲咩？
近年都有不少Band转玩EDM或将大量EDM元素加到歌曲，例如Linkin Park的最新专辑《One More Light》乐迷评语两极，有人觉得“越玩越Pop”，亦有人觉得是已故主音Chester Bennington内心的自白。其实一队Band作新尝试系无可厚非，转定唔转歌路都会有人讲，最紧要都系队Band玩得开心啫；不过讲番转头，当依家科技咁普及，人人都觉得用software揿啲声出嚟就做到歌。更加突显到用汗水苦练出嚟嘅技术先至珍贵。
既然全世界个trend都系玩紧EDM，但系作为Band点解唔可以继续“真枪实弹”，用返真乐器去做歌，做一股清泉呢？要听电子嘢我不如听番Big Bang啦！
齐人上台弹乐器，而唔系上台笃电脑先叫Live㗎嘛！
相信大家钟意Maroon 5唔多唔少都系因为Adam Levine嘅个人魅力，讲真Adam把声音域够阔，唔同曲风都驾驭到，深情又得要爆又爆得起，用“性感”去形容真系不为过，一听佢把声就不自觉被迷住。再讲，虽然结他手James Valentine用嘅和弦唔算复杂，可能你识少少结他练一阵都弹到，但系由佢对手弹出嚟先有“𠮶阵除”，系feel到有灵魂；鼓手Matt Flynn打出嚟嘅每个节奏你都感觉到系有活力，带动你个人会去郁，跟住一齐跳。
全部嘢都系由人弹出嚟先“够Real”㗎嘛！相信大家都想听到真材实料，而唔系冇灵魂嘅夜场歌。到底以往熟悉嘅Maroon 5去咗边？
唔知大家听完《What Lovers Do》有咩感觉呢？