陈柏宇红馆骚黄牛炒到3000蚊 隐世歌手只欠一个男歌手金奖
陈奕迅（Eason）贵为香港乐坛一线歌手，当代香港歌神，相信无人会质疑。不论他在什么场地开骚，在10分钟内卖完门票，也是理所当然。不过同样姓陈，又系叫“阿神”的Jason陈柏宇，被指是香港乐坛隐世之声的他，今年12月将初登红馆，他用了一日多的时间把两场红馆飞卖完，连单丁位也没有，成绩的确令人鼓舞。足证在香港乐坛只要有实力，一样有人支持。更可况他的演唱会在黄牛市场同样有价有市，陈柏宇的门票更炒高至3千几蚊。
虽然Jason在乐坛的地位不及Eason，但今次红馆演唱会，已有不少歌迷到陈柏宇的专页大呻买唔到飞。在黄牛市场方面，虽然Eason门票被炒至$4424，但陈柏宇也绝不失礼，头场A区门票最高已经炒到$3332，而其他区域平均也炒高了一倍。
当陈柏宇接受《香港01》电话访问时表示：“唉！都无办法，希望啲Fans可以快过啲黄牛一步啦。始终黄牛卖飞嘅情况难以控制。”提到Eason演唱会同日开卖，他似乎未有留意，Jason闻言：“Eason开骚咩，我都想睇！（依家炒到4千几一张）下咁贵，痴线㗎！（你啲飞都炒到＄3332啦）3千几？都系痴线㗎？我觉得3千几蚊睇我一场骚点都唔值，唔应该助长黄牛嘅歪风，总之我唔会支持其他人买贵飞睇我。”
问到陈柏宇昨日曾在Facebook开留言表示“unbelievable!! 得返少量嘅单丁位！帮帮手，买埋佢啦！”，是否曾担心卖唔哂演唱会飞？他回应：“其实我由头到尾都唔系好理卖飞情况，卖唔卖到都唔会影响我，我都会做好个骚，将最好嘅表演拎出嚟畀人睇，最紧要有得做，有得玩！”不过说到底Jason的红馆骚已经连单丁位都没有了。至于会不会加场，Jason表示：“档期已经定好哂唔会再加，不过当我知道卖晒飞时，都忍唔住大嗌咗一声，其实喺我心目中，真系开两场都已经心足！系大家畀机会我，我会好好珍惜呢个机会，用最好嘅演出嚟报答在场所有嘅观众。约定红馆见，不见不散！”
对于只花了一日多少少的时间卖完演唱会门，Jason难以用言语来表达，所以他拍了一条搞笑短片并上载到个人专页，用行动来答谢大家支持。（点击以下短片，短片来源自陈柏宇Facebook 专页）
“我陈柏宇肉麻嘢我讲唔出口。但系我系真心多谢你哋嘅支持。陈柏宇嘅首次红馆演唱会2场门票，已经全部卖哂。我自己都吓一跳。买到飞嘅朋友又或者卖唔到飞嘅朋友，你哋嘅支持已经刻咗系我个心里面。12月2号3号我应承大家，我将会以最好状态演出报答大家。完！”
虽然两场的《陈柏宇SPEECHLESS演唱会2017》门票已经售罄，但Jason似乎在为演唱会嘉宾而头痛：“未firm呀，嘉宾方面想揾𠮶啲都唔得闲。”陈柏宇在今年的确是喜事接著来，除了与女朋友结婚，更可以圆埋红馆梦，看来今年欠的就是一个“男歌手金奖”，如果连呢样都攞埋，隐世歌手就真系上一线啦。陈伯，加油！