陈奕迅开Live吐苦水 不满被叫“情歌之王”：好虚无飘渺咁
陈奕迅Eason即将于10月推出国语专辑《C'mon in》，昨日记者会已宣布会在全球18个地方举行音乐会宣传新碟，而香港站门票索价750元今朝一开卖已售罄，黄牛飞价钱更炒至近4500元，Eason果然是“神”。
宣传攻势一浪接一浪，Eason今日fb开live，化身来自东莞的“陈相士”为大家求签抽歌词解签，解答网民问题。Eason有名你叫“吹神”，用歌词解签当然冇难度。
世事真系“啱啱遇着刚刚”，有些签文与网民问题perfect match，例如：有网民指自己音准差歌声难听，但想投身音乐相关行业；结果，Eason为他抽出《淘汰》，就连Eason都忍唔住话：“缘份呢啲嘢真系好难讲！”镜头后的工作人员也忍俊不禁。不过Eason都兜到：“唔使跟住个大队去走，咁可能会杀出一条新血路，你睇下陈奕迅都红到，有咩系冇可能发生呀！当年俾人话我其貌不扬，我一直都唔信，所以要做番自己！”又有网民问“喺街见到你可唔可以锡你？”，Eason则抽出《今天只做一件事》，想不到签文如此吻合。
不过开Live途中Eason都有解不通的歌词，有些歌词他也不曾仔细研究，笑言：“不如依家打俾林夕咯！”
有网民留言指Eason扮相士非常神似，工作人员问Eason对此有何感觉时，Eason却拉到去日前记者会的事，吹神功力果然非同凡响。Eason话：“有个台湾传媒问我，好似唔系好gur个唱歌节目用‘情歌之王’去介绍你，而周杰伦就叫‘嘻哈鼻祖’好似好劲咁，点解我系‘情歌之王’好虚无飘渺咁，好多人都系情歌之王啦！我觉得唔系好掂！”
Eason又继续话：“周董叫我‘K歌之王’都好体贴㗎喇，但系有点儿太俗套喇！所以我㖊日有个结论，‘百变’系属于梅艳芳，咁我可唔可以系‘善变’呢？我系‘善变之王’！系咪正好多呀！”
最后Eason为自己求签又有神奇事发生，当Eason手放在《不来也不去》签文上，果然真的求到《不来也不去》，Eason都惊叹：“哗！好啱我呀！”事后Eason又爆seed：“依家好多时要话俾人听‘系真㗎！’，其实你信就信，唔信就算啦，你可以话我做戏！”
以下片段转自陈奕迅Facebook(点击重温)