吴浩康屯门busking过百围观 Deep好感动：多谢大家仲记得
近年不少香港艺人都喜受用Facebook Live分享自己的日常，更有很多歌手喜欢用来制作自家音乐节目，又唱live又𪪼结他，目的就是与歌迷互动，拉近距离。没有场地，时间，甚至音乐的规限。不过如果要数近年做得较为有noise嘅歌手，相信一定是歌手吴浩康（Deep）的《DeepNiteShow》。由studio玩到落街busking，依然有相当的号召力。《DeepNiteShow》每星期一晚都会约定网民，除了会唱自己的作品，也会应网民要求唱出其他歌手的歌曲，昨晚他就约定大家到屯门西铁站，与自己的学生玩live之余，自己又弹又唱。而且有不少知音人更响应Deep的网上号召，山长水远走入屯门支持Deep。虽然近年吴浩康曾被报导指事业难以翻身，但凭著他本身实力，加上用心经营Facebook live，似乎也做到一番好成绩。今次靠Facebook live挽回人气，对于有感觉到第二春，吴浩康：“坦白讲距离第二春仲有一段路。”
开Live唱《洗剪吹》被弹吃力 吴浩康豁达：有心理准备面对唔同人
唔系讲笑，真系有过百人围观！（点击下图）
吴浩康接受《香港01》电话访问时表示：“无谂过有过百人去到现场Support我，我真系好感动，我觉得自己真系好幸运。”提到有很多网民认为吴浩康的作品已经可列作经典：“好多谢大家当我嘅作品系经典，我真系唔咁当。其实𠮶啲作品唔系我阿Deep一个嘅，仲有作曲填词人，系公司一大班人嘅心血去堆砌出嚟，我只不过系一个代表去将呢啲作品推出嚟，站喺最前线。所以除咗多谢最近喺Facebook Live支持我嘅人，我仲要多谢所有帮我做歌嘅所有团队。”
提到有不少网民都点唱吴浩康出道的成名作品，有网民指 ,除了几首代表作，吴浩康没有其他歌。对此Deep还是抱著感激的心情：“虽然大家成日想听我唱《讨厌》、《先入为主》仲有《洗剪吹》等都系我出道初期嘅作品。但其实仲有《儿戏》、《择日失恋》呢啲都好多人点，呢啲都系第三四只碟嘅歌，所以都唔系永远都系𠮶几首歌。但如果系计流行程度，《洗剪吹》仲有《先入为主》的确系比起其他歌hit好多，都系要多谢大家过咗咁多年都仲记得。
Deep续说：“如果你问我大家好似只系几得我初初嘅作品，其实我见到咁我都开心。感觉就好似我有几个仔，而暂时大家比较欣赏我最大𠮶两个，所以作为爸爸唔通唔开心咩，不过问题就系，嚟紧嘅日子我可唔可以能够畀我嘅其他仔仔可以得到更加多人认识同欣赏，呢放面需要我接下来摆多啲心机落去。”
谈到今次靠Facebook live挽回不少人气，对于有感觉到第二春？Deep回应：“《DeepNiteShow》其实系勾起咗好多人对我嘅支持，你问我呢个系唔系我嘅第二春，坦白讲，我好开心有呢啲阶段性嘅成绩，不过距离第二春仲有一段路。其实越做就会越睇到自己有咩不足，努力做好呢个show嘅内容就已经好足够，我现阶段仲系好需要大家嘅support希望大家可以继续支持。”