郑世豪出新歌《完场前》 未吹鸡仍有转机：总有方法化腐朽为神奇
撰文： 黄浩晋
出版：更新：
郑世豪上年以37岁之龄自资6位数字出碟做新人，《仍坚持》一曲除了道出他的心声，MV中更邀请到一众无线绿叶演员参与拍摄，将他们平日生活实况呈现出来，让观众了解到艺员背后的辛酸，引来不少回响。
多年来未停过做音乐的步伐，让人留意到他“歌手”的身份，近日更推出新歌《完场前》，郑世豪接受《香港01》访问时表示《完场前》一曲是自己在演艺圈一路走来的心声：“人人际遇唔同，我最初由训练班出嚟，有啲同学或者前辈都已经离开咗呢个圈，到今日仍然坚持，相信总会有化腐朽为神奇嘅机会。”
《完场前》的歌词讯息提醒人要掌握自己的命运，原来灵感是来自《仍坚持》，郑世豪表示：“其实可以话系《仍坚持2.0》，因为有啲人听完谂通咗要坚持，但有啲人就觉得自己好多嘢卡住唔敢踏出第一步，所以就想写《完场前》呢只歌。其实人生好似一场比赛，未到完场𠮶一刻你都有机会扭转局面。希望大家听完呢首歌可以冲破自己嘅框框，掌握自己嘅命运，踏出到第一步先可以坚持落去！”
以往在星梦两年冇歌又冇碟，郑世豪会否觉得那时候浪费时间？郑世豪却正面地看待此事：“其实都有得着㗎，虽然我都有幻想过好快就可以出歌做歌手，不过我亦因为咁可以做《劲歌金曲》嘅主持，累积到嘅经验对自己都好有帮助。”
只要《仍坚持》，《完场前》总有机会扭转局面。
+3
郑世豪第一张专辑《仍坚持》要自资六位数字推出，他今日回望那段时候都有点感慨：“好彩自己都有储蓄嘅习惯，大家都知道艺人嘅收入……哈哈，当时唯有自己俾资源自己，都系一个出路嚟嘅！”
挨过自资出碟的阶段，到今日终于有公司愿意投资自己身上，世豪感到非常开心：“自己咁耐以嚟辛苦做到最好嘅嘢终于有一个回报！常常都讲每事都要做到最好，未必有人睇到嘅，但始终有一日有人会睇到！”