【一首歌】郑伊健《一个为你甘去蹈火海的人》 激烈拥吻好浪漫
撰文： 黄浩晋
出版：更新：
一讲起郑伊健，大家都会即刻谂起“浩南哥”，谂起“浩南哥”就自然谂起《友情岁月》“来忘掉错对／来怀念过去／曾共渡患难日子总有乐趣”。咪住先，其实郑伊健除咗做演过《古惑仔》入面又型又有义气嘅“浩南哥”之外，佢都唱过好多冧歌㗎，难怪佢当时系好多妹妹仔嘅男神啦！
今次要讲《一个为你甘去蹈火海的人》，净系个歌名都够抢眼，成11个字㖞！而且个音乐底浪漫得嚟又有少少拉丁异国风情嘅感觉，一听就即刻入晒mood，再将间屋嘅灯光调暗少少，点起蜡烛再加番两杯红酒，再同伴侣跳番part舞，真系如歌词所讲：“情人求你等我无人能阻我／再度来共你从新／激烈拥吻”。
咁有情调，真系想快啲返去布置下屋企，不过首先你要有……唉，你明啦。