【专访】Youtuber做歌手被恶评　火鸡姐：为闹而闹嘅人最无聊！

今时今日在香港做歌手未免有点难，买唱片的人买少见少，不过最近有一名Youtuber，抱著勇者无惧的心态，凭自己网上人气转型为歌手，她的名字叫丁可欣（Yanki）又名“火鸡姐”，于最近在网上发布第一首属于自己的单曲《抚心自问》，由著名音乐人张家诚作曲，编曲，监制。90后的Yanki，2011年成为Yes校花冠军，她自小已学跳舞，曾为郭富城、许冠杰及徐小凤等天王天后伴舞，虽然她以Dancer身分入行，但未有因此成名，反而她在闲时喜爱以“火鸡姐”身分拍片，以高8度音效大数社会现象而红爆网络界，就连天后Sammi郑秀文都有转载火鸡姐的影片。今次Yanki破天荒唱歌，虽说是梦想成真，但也有网民给予恶评，更有人报以人身攻击：“我睇过咁多负面留言，我觉得为闹而闹嘅人最无聊！”摄影：黄国立剪接：许柏伦发型：Jamielee @Hair

有“火鸡姐”之称的乐坛新贵丁可欣（Yanki），最近推出其个人第一首单曲《抚心自问》，她坦言：“今次可以唱歌，其实系同韩国观光会社合作，MV去到韩国取景。我到而家仲系觉得自己好似发紧梦，我由细到大都好想唱歌，到依家终于梦想成真，有一首自己嘅歌，我觉得一切都好唔真实，虽然系开心，但自己都有一定压力。我发觉自己好认真去唱，但出嚟嘅效果，原来自己无自己想像中唱得咁好，我发觉得自己喺唱歌方面需要好大改善空间。”

虽然Yanki非常谦虚，但监制张家诚对呢把青涩的声音赞赏有嘉：“其实我好欣赏Yanki，佢真系好勤力，我每次同佢录音我都会教佢点样唱，点样演绎可以更加好，而佢每次都好听话，会尽力做到我想要嘅要求。其实我都同唔少歌手合作过，真系唔系每个歌手都会听监制所有嘅意见，而Yanki就做到呢点，佢每次入录音室录音你都会听得出佢系苦练过。”

“多得‘火鸡姐’先多人留意我”

Yanki最近推出了其个人第一首单曲《抚心自问》，歌曲网上发布两星期，已经有超过11万点击，以新人来说是一个非常不俗的成果，谈到网红转型做歌手似乎较为吃香，Yanki不讳言多得“火鸡姐”：“我觉得系真系有优势嘅，呢个时代真系唔需要签公司先系一个明星，如果我唔系‘火鸡姐’，好坦白，真系唔会draw到人attention。其实我起初拍《火鸡姐系列》真系无谂过出名，只系谂住玩吓，反而回响好好，好多人谈论，呢样真系意料之外。”

Yanki进军乐坛的第一首歌是首情歌，但毕竟是她Dancer出身，跳唱歌曲将是她下个挑战的目标：“近呢几年好似无乜跳唱女歌手，所以我自己都好期待可以有自己嘅跳舞歌，不过如果我有机会的话，我都钟意唱慢慢嘅惨情歌，不过我最想都系跳舞歌，但系我觉得自己要再进步先得，因为我唱歌真系未去到一个好好嘅水准，要将跳舞加唱歌两种专业加埋一齐会变成更大嘅跳战。”

火鸡姐：𠮶啲人最无聊！

人红自然是非多，ＭＶ点击高自然也多网上意见，谈到火鸡姐今次初试啼声，有不少网民留言Like爆，也有人批评其歌艺，咬字，甚至打扮；问到火鸡姐有无留意到毒舌留言，火鸡姐大方接受大家意见：“有呀，紧系有留意啦。其实由我做youtuber开始我已经同自己讲，拍出嚟嘅嘢唔会一定只有好嘅评语，所以我自己会有好嘅心理调整，我发觉既然好难去满足哂所有人，不如我改变自己对件事嘅睇法。对我嚟讲，我反而需要一啲真实嘅反应，虽然可能系批评，但系我自己系几enjoy呢种批评，因为佢哋留言某程度上系帮你进步，我要令到呢啲人改观。我睇过咁多负面留言，如果话我唱得唔好等等我可以接受，但为闹而闹嘅人最无聊！佢哋根本唔系focus喺件事上面！”

张家诚续说：“我有少少建议，佢哋（网民）留言系唔需要负责任，就算你做得几好，佢哋要唔钟意你，点都会唔钟意你。我觉得唔需要为少数嘅人而影响自己心情。睇得简单啲，唔好睇留言，通常人哋觉得好嘅未必会留言，恶意嘅人先会多留言，反而睇吓有几多人“按like”，当有7千几人like你，而只有少数人嘅批评，其实我觉得已经赢哂！”