【专访】艺人成功需创业? 薛凯琪做时装老板:我个人比较贪心
在香港一位成功的艺人歌,影,视已经是基本,随著时代的转变,有很多艺人更有一条“老板瘾”,好似刘德华,古天乐,古巨基甚至最近开曲奇店的欣宜也一样,多了老板这个身份。而歌手薛凯琪(Fiona)也“唔执输”加入老板行列,开设个人时装品牌。Fiona更直言艺人做老板令她的时装生意有直接帮助:“啲人知道我有意做时装生意,即刻想一齐投资开舖。”摄影:符祥定化妆:Jessica Chan @Jessica Chan make-up workshop发型:Jo Lam @Queen’s Private i造型:SPIRITUNUS
歌手薛凯琪接受访问时表示,成立时装品牌是其梦想之一:“其实我读书时专修装置艺术,我当时有几个梦想,我立志要成为导演,美术指导,成立自己品牌或者系画家。我觉得人只要有信念,梦想终会一一达到,就好似《Secret》呢本书所讲嘅讯息。如果大家有留意我过去嘅作品,你会知道我曾经系我无数嘅作品入面画过画。导演方面,我依家大部分嘅MV都会帮自己执导,亦都有帮其他人拍MV,又试过拍摄微电影。美指方面,自己MV,CD cover及show等等,都有亲自担任美指。依家为一未实验自己嘅梦想就系成立一个fashion brand(品牌),咁所以我就同我嘅partner仲有团队,开始埋头筹备呢个brand,结果用咗一年时间终于成立咗SPIRITUNUS。”
荣升老板的Fiona似乎对今次的生意非常紧张:“我本身都身兼多职,依家成立呢个品牌连我助手都同我投诉,所以我哋品牌系会有自己嘅designer帮手设计,而唔系所有衫都系我自己设计。作为呢个品牌创办人,我会亲自监管所有嘅design。而我哋今个summer会围绕白色同粉红色嘅蝴蝶结为主题,希望可以令到每一位著我哋design嘅女仔都可以展现出可爱同sexy嘅一面,当然我指嘅sexy系健康𠮶种而唔系过份暴露。我觉得做designer有责任提升女仔嘅自信,因为女仔永远最靓嘅时候就系最有自信嘅时候。”
Fiona又谓今次做生意绝非玩玩吓:“呢盘生意我会跟得好足。其实我个人比较贪心,我会觉得唱歌,做导演,演员,同埋我今时今日有自己嘅Brand(品牌),其实每一样都系我嘅正职,我对我工作嘅爱系无分大细,好似对家人一样,我唔会话爱爸爸多啲定妈妈多啲,定细佬多啲定妹妹多啲。总之我立志做嘅我都会以呢样嘢为先。我宁愿将来放少啲假,将自己嘅玩乐放到最后,都唔会放低自己嘅生意。我今次做business并唔系靠自己一个人去做,而系有熟悉呢行嘅团队一齐做,除此之外,我唔会三分钟热度,并唔系有钱投资就算。”