【独家专访】MC Jin太多英文是原罪？　rap神：唔应该被语言框住

最近内地节目《中国有嘻哈》引伸出网络上的不少讨论，特别在MC Jin身上。有人认为他回流美国是一件可惜的事，也有人认为他留在香港才是真真正正的浪费。网上每个人也是评论员，流言蜚语虽多，却没有人真正了解过MC Jin的想法。

身在北京的MC Jin 接受《香港01》独家访问时表示，过去数年能够看著儿子成长赚少一点都值得：“唔经唔觉阿仔（Chance）已经5岁。我哋喺美国生活非常开心。我觉得美国同香港嘅生活分别好大，喺美国生活虽然工作量少咗，但系我都有做音乐，而且同时又可以照顾家人，收入少过香港时期，但一切都系值得。相反以前喺香港嘅life style真系好忙，工作一单接一单唔会停。”

问到当时在香港工作的辛酸，MC Jin直言，他的际遇相比起其他香港rapper好得多：“我喺香港工作嘅时候太顺利啦，可以做音乐、演员。有follow我嘅人都知我喺香港工作嘅时候除咗可以见证自己嘅成绩、成长，最紧要系找寻到我嘅信仰。我真系估唔到我嚟到香港会揾到我嘅信仰。”

MC Jin 最近在两岸三地爆红，问到他是否有意在内地发展，他表示见步行步：“我当初去香港都只系谂住逗留短时间，点知有一个月变咗两个月，两个月变成三个月，最后变咗四年。其实我一直都系见步行步，由上天安排。所以去内地发展我都只系见步行步，每一个决定以family为先，会问太太意见，亦会考虑仔仔成长。”

最近在香港甚至内地都有不少网友支持MC Jin，有些人更当他是Hip Hop神，对于种种赞赏，MC Jin谦称：“其实大家越叫我系神，我只会觉得自己越平凡，越要冷静，好似我喺香港出嘅第一只碟《ABC》入面嘅《人气急升》嘅歌词“人气急升，大家冷静”其实我做到嘅嘢，你同我一样有咁嘅条件。我好感谢大家对我嘅支持，系一种动力！”

谈到《中国有嘻哈》节目内的神秘人HIP HOP MAN虽然到现时为止还未揭开真面目（相信大家心里有数），问到MC Jin 本人对于HIP HOP MAN有何评价，他笑言非常欣赏HIP HOP MAN：“我都有关注HIP HOP MAN，好佩服佢！虽然佢国语唔好，但睇得出佢对Hip Hop好有热诚，而且好欣赏佢嘅国语rap。我睇得出佢想了解中国的Rap，而且敢于挑战自己，期待HIP HOP MAN嚟紧嘅演出！”

问到MC Jin 有传HIP HOP MAN会因英文过多而被踢走，有网友狠批节目做法不公，MC Jin似乎不同意：“无错！rap系源自黑人文化，但呢个文化已经发扬光大，全球普及，所以每个国家都有自己嘅rapper，佢哋都有自己嘅语言。其实rap唔应该被语言框住，唔用英文唔代表发挥唔到。其实最重要都系要睇个创作人（rapper）同听众，起码要听众明白你嘅词先会有所感受。”