【专访】不爱孖住夜蒲？　连诗雅郑融：我哋真系健康到不得了！

连诗雅和郑融两位女生，骤眼一看似是大缆都扯唔埋，外型不同、性格不同、衣著风格不同，连歌路也截然不同，旁人皆以为她们是没可能的一对，怎料她俩却跟大家宣布：“我哋要一齐开骚啦！”是二人首个共同举行的演唱会。摄影：黄国立Stephanie : Hay @ Hair SalonShiga : Louis @ Hair CultureShiga Wardrobe : ZIZTAR / voeuxhkVenue : FITNEZ

问起她们这个演唱会因何而出现，Shiga表示：“其实我哋都识咗好多年，而大家都钟意唱情歌，咁啱而家又同公司，所以呢个演唱会嘅出现都好突然。”而郑融补充：“我觉得我哋两个好有缘，因为我哋除咗同一间公司所以会认识之外，其实后来发现我哋分别未入行之前已经有好多共同朋友，大家会有更多共同嘅话题。今次开骚就终于有啲嘢系可以一齐做，将我哋两个唔同时空做嘅音乐摆喺个音乐会度，而入场嘅观众又系两个时空嘅人走埋一齐，其实件事好窝心。”

说起入行前的共同朋友，某程度上也能反映出她们二人的共通之处，郑融直言：“有好多都系以前出去玩嘅时候认识，呢样都令我哋发现自己嘅经历好相似。因为我哋两个初初入行嘅时候，都会有啲新闻话我哋成日会去蒲、会出去玩，但我哋互相认识嘅时候都已经发现大家原来成日匿喺屋企，好少再出去。”她更笑言：“Shiga成日都话估唔到大家都系识同一班人，我就讲笑咁话‘证明呢个世界好细，我哋做咩都要小心啲。’”

大家以为两个女生聚头便会像《Gossip Girl》般讲是讲非，Shiga反驳：“我哋嘅话题真系健康到不得了，最初认识嘅时候已经会一齐跑步做运动，又会去行街睇吓Outlet，更加会互相上大家屋企倾吓计，阿融经常都会鼓励我画返多啲画，唔好放弃呢啲兴趣。大家都会带到正能量比大家。”原来私下她们就像电视剧中的闰密一样，连对方逛街会买什么也记得一清二楚，郑融大爆：“Shiga有好多嘢都会令佢著迷，食物啦、粉红色嘅嘢啦、美少女战士啦…”原来Shiga的少女心从未减弱，而Shiga眼中的郑融比较像一个姐姐：“佢行街好少会好大反应，但系佢每次行街都一定会睇鞋。作为一个女艺人其实都需要有一两对比较靓嘅鞋傍身，但我初初入行就无乜呢个概念，啲同事会同我讲‘不如你买返一两对靓鞋啦，衬衫都要啦。阿融有好多靓嘅鞋，你不如参考吓佢啲款啦！’我便开始留意阿融的搭配。”郑融在旁大笑：“我都唔知有件咁嘅事，但系我借唔到鞋比佢，因为我著35号。”

讲返音乐会，她们表示最想由观众告知最想看到什么，郑融表示：“而家这个时代，歌手与观众歌迷是应该多点互动，我最希望可以真正与观众交流一下。”Shiga亦趁机大赞：“其实我自己本身好钟意郑融啲歌，我出道前第一首跟唱歌老师学的歌便是《终身学习》，无谂过真系会认识到佢，仲可以一齐合作开音乐会。感觉好似一个小妹妹终于可以同一个偶像一齐做嘢，认识佢之前会惊佢好恶，但原来真人系好sweet好好倾，完全无距离。所以喺呢个演唱会当中，我最希望大家可以增加了解，有咩环节都唔紧要，但系我哋两个一齐为一件事去努力已经令我好期待。”郑融亦补充：“其实两位女生合作开音乐会是一件很神奇的事，就像我之前看Sammy、林忆莲、张惠妹、蔡健雅和那英姐姐的演唱会，会感受到一种Girl Power在当中，希望我们也能将这种感染力带给大家。”

二人皆希望女性观众入场能感觉到共鸣，因为她们的歌曲的确为不少女生带来回忆及鼓励。不过面向男性观众，她们一样不会冷待，Shiga率先表示：“跳辣身舞也可以考虑。想以郑融的快歌来带出跳舞的部份，因为以前看郑融的MV，例如《红花会》，我会禁不著大叫‘哗！性感小野猫！’，如果有一Part可以健康性感一下也不错。”郑融笑说：“其实我好少睇返自己嘅MV，不过我哋识做架啦！”

说著说著，她们更表示要改编对方的歌曲，Shiga最想改编《红花会》：“我真系好钟意呢首歌同个MV，不论系服装定系编曲，如果演唱会再加啲EDM元素就perfect。”而郑融最想改编Shiga的《大了一岁》：“如果钟意Shiga嘅歌，就一定系因为佢啲歌词，那时候单是看到歌名已经很喜欢，尤其有段时间自己也对成长很抗拒，听到也特别有感受，所以这首歌对我来说很特别。”