【我不怕唱歌】纹身大汉劲柔情　Supper Moment：佢真系好大只！

Sunny@Supper Moment：凭佢广阔嘅胸膛，壮阔嘅臂弯就知系佢！
阿达@Supper Moment：个纹身呀！
烙印@SiS乐印姊妹：听声都Feel到有须根！
凭著粗犷的外表，似乎这位歌手成功打入不少人的印象当中。但撇除健硕的身型后，原来他的内在却是粗中带细，颇有音乐才华，到底他是谁？
Make Up：Janice Chan
Hair：kel@HH
摄影：梁碧玲　彭嘉彬
剪接：许栢伦

今集《我不怕唱歌》带嚟嘅男歌手，其实系演员出身，更曾经喺TVB浸淫多年，外表经常比人觉得系花花公子嘅佢，做戏你就可能见得多，但系唱歌你就未必认真听过。今次唔睇样，斋听声，一开口你又认唔认得佢？

2005年喺加拿大回流香港后，返到嚟第一件事原来唔系加入TVB，而系参加《2006年英皇新秀歌唱大赛》，更加打入最后五强。在电视台担当演员多年，2012年终于有机会跳出电视框，参与电影《喜爱夜蒲2》，令他人气急升之余，更得到著名经理人黄柏高的赏识，签约太阳娱乐文化，一圆歌手梦。这位咬紧牙关终于等到出头天的男子汉，便是沈震轩。

用行动证明自己

阔别香港乐坛两年，最近沈震轩再次推出新歌《打不死》，比起以前《喜爱夜蒲2》、《亲爱的》那种玩世不恭的花花公子形象，今次《打不死》的内容及MV也明显增添了一份男人的成熟味道。Sammy表示：“今次份词系写紧我自己，大家可能经常喺一啲新闻、绯闻当中对我嘅印象定咗型。但我由细到大处事嘅方式都系少说话多做事，所以决定用沉默去回应呢啲事情。不过原来有啲嘢好得意，我发现当我越沉默越唔讲，人哋就会觉得‘咦？即系你默认你系咁？’，作为一个演员，我其实唔会介意我嘅角色会系点。不过今次就想用呢首歌，去话比大家听真正嘅我系点。”

如果一向有留意沈震轩的音乐作品，便会知道其实他不是“得个样”，而是唱歌结他钢琴样样都识。

“男人”的定义

今次《打不死》不多不少也是Sammy心目中对“男人”的理解，他认为：“男人喺逆境当中唔洗讲太多嘢，咬紧牙关继续去打就啱。我觉得林若宁喺歌词当中写得好好‘男人即使再坏 在台上硬桥硬马 宁愿输得漂亮 在台下做场神话’，佢写中咗我嘅态度就系咁。男人讲太多就好婆妈，讲可以讲到好劲，讲到天花龙凤，但到最后都系要做出嚟先得，所以我觉得男人最型嘅一刻，就系佢好专心做一件事，然后得到生命中最重要嘅人认同，好似《打不死》MV入面，个女同爸爸讲‘你系我嘅英雄’，𠮶下就最型啦。”