【专访】自爆唔够“男人”又惊青　沈震轩：咩都系靠阿妈！

在TVB由小角色做起，不少艺人在中途或许已经放弃继续追梦。而沈震轩在2007年加入TVB，多才多艺的他没有操之过急，反而是一步一步打好根基，后来终于有机会凭剧集《使徒行者》打响名堂，直至近年更进军内地，歌手演员双线发展。旁人认为事业一帆风顺的他，原来也曾经住㓥房、挨面包度日。
Make Up：Janice Chan
Hair：kel@HH
摄影：梁碧玲

提起最想挑战的角色，沈震轩原来最想饰演父女的戏份，更坦言憧憬自己将来能生个女儿。不少人也担心如果生女便要担惊受怕，怕她学坏、怕她被人伤害，沈震轩却似是一个较开放的爸爸：“将心比心，我屋企人都会担心我，但系我会希望自己嘅仔女可以踫吓钉，当然我会喺佢哋身边扶持。因为反而样样嘢太过保护佢哋就唔系咁好，我自己成长嘅过程都试过踫钉。你唔好睇我而家咁嘅样，以前喺加拿大嘅时候，我一直都觉得自己好唔“男人”，成日都惊惊青青，我谂就系因为太习惯比屋企人保护。”

直至回流香港，沈震轩终于学会自己解决难题：“𠮶时返到香港，真系买卷厕纸都唔知几钱，交卡数又唔识，咩都系靠阿妈。后来自己出去租屋生活，终于要学识靠自己。我最深刻系𠮶时啱啱入TVB，人工唔系好高，住喺尖沙咀嘅㓥房，仲要计住每日唔可以用多过50蚊，如果唔系我就无钱交租。当然我唔敢同屋企人讲啦，唔想佢哋担心，所以我好感恩，喺我去到一个无办法嘅时候，身边嘅兄弟朋友同我讲‘有咩帮手要出声，帮到一定帮’，就靠佢哋帮我渡过咗难关。呢啲朋友有啲系圈外有啲系圈内，我到而家都好感激佢哋，例如一齐返艺员训练班嘅张景淳、李兴华，𠮶段时间真系互相扶持。”

沈震轩和张景淳二人同是参加无线电视《TVbeople》选拔中获胜而加入TVB，更一起拍过宣传片。